Monday, September 01, 2008

வங்கிகளுக்கு புதுவிதமான தலைவலி

நியூயார்க் நகரத்து வீதிகளில் நடந்து போகும் போது வானளாவிய வங்கி கட்டிடங்களை பார்த்து மலைத்து போயிருப்பீர்கள். “இவர்களிடம் இவ்வளவு பணமா!” என்று வியந்து போயிருக்கலாம். எல்லா பணமும் OPM (Other people’s money) தான். இந்த வங்கிகளில் பெரும்பாலானவை இப்போது வாடிக்கையாளர்களிடம் வாங்கிய பணத்தை எப்படி திரும்ப கொடுப்பது என்று யோசித்துக் கொண்டிருக்கின்றன.

Lehman Brothers Building, 745 7th Ave

Sub-prime crisis கிட்டத்தட்ட Chaos theory போல கதை மாறிக்கொண்டிருக்கிறது. ஆரம்பத்தில் சில வங்கிகள் புத்திசாலித்தனமாக செயல்படுவதாக நினைத்துக் கொண்டு, கடன்களை வாரி இறைத்தன. 2003-04 வருடங்களில் வீட்டு கடனுக்கு விண்ணப்பிக்கும் வாடிக்கையாளர்களிடம் சில வங்கிகள் சம்பள ஆதாரங்களை கூட கேட்டதில்லை. “வீட்டு விலை இனிமேல் குறையவே குறையாது” என்ற ஞானோதயம் வந்ததனால் பல வங்கிகள் கண்களை மூடிக்கொண்டு கடன் கொடுத்தார்கள். அது சப்-பிரைம் பூதமாக உருமாறி பல வங்கிகள் திவாலாகி விட்டன. Lehman brothers போன்ற ஜாம்பவான்கள் கூட கவிழ்ந்து விட்டார்கள்.

இதன் தொடர்ச்சியாக ஒரு புதுவிதமான கடன் பிரச்னையை எப்படி சமாளிப்பது என்று பல வங்கிகள் யோசித்துக் கொண்டிருக்கின்றன. பல வாடிக்கையாளர்களிடம் டெபாசிட் வாங்கி சில வாடிக்கையாளர்களிடம் கடன் கொடுத்து வட்டி வாங்குவது தான் வங்கிகளின் ஆதாரம். 2006-ல் floating rate notes என்ற பெயரில் வங்கிகள் வாங்கிய டெபாசிட்டுகள் இன்னும் சில மாதங்களில் mature ஆகின்றன. வாங்கிய பணத்தை திரும்ப கொடுக்க வேண்டும். ஆனால் வங்கிகளிடம் போதுமான அளவுக்கு பணம் இல்லை.

இந்த மாதத்தில் மட்டுமே சில வங்கிகள் 95 பில்லியன் டாலர் floating rate notes-களுக்கான பணத்தை வாடிக்கையாளர்களிடம் திரும்ப கொடுக்க வேண்டும். 2009 கடைசிக்குள் கிட்டத்தட்ட 787 பில்லியன் டாலர்களை floating rate notes சம்பந்தமாக வங்கிகள் திரும்ப கொடுக்க வேண்டும். பானையில் இருந்தால் தானே சாதத்தை கொடுக்க முடியும். பானையின் கீழே பெரிதாக ஓட்டை போட்டவர்களே இன்று பானையில் ஒன்றுமில்லையென்று அமெரிக்க மத்திய வங்கி அதிகாரிகளை திட்டுகிறார்கள்.

அமெரிக்காவில் வங்கி வாடிக்கையாளர்களின் பணத்தை இன்சூரன்ஸ் செய்யும் Federal Deposit Insurance Corp (FDIC) நிறுவனத்தின் கணிப்பின்படி 117 வங்கிகள் தாங்கள் வாங்கிய floating rate டெபாசிட்டுகளை திரும்ப கொடுக்க முடியாமல் போகலாம்.

உங்கள் வங்கி கணக்கில் $100,000க்கு மேல் பணம் இருந்தால் அதிகமாக உள்ள பணத்தை FDIC பாதுகாப்புள்ள வேறு வங்கிகளுக்கு மாற்றுங்கள். சில வங்கிகளில் ஒவ்வொரு அக்கவுண்டுக்கும் $100,000 வரை FDIC பாதுகாப்பு தரும். உதாரணமாக, நீங்கள் Wells Fargo வங்கியில் செக்கிங் அக்கவுண்ட் வைத்திருந்தால் அதற்கு $100,000 வரை FDIC பாதுகாப்பு உண்டு. அதே வங்கியில் CD அக்கவுண்டில் $100,000 வரை வைத்திருந்தால் அதற்கும் $100,000 வரை முழு பாதுகாப்பு உண்டு. மேலும் விபரங்களுக்கு FDIC வலைத்தளத்தை பார்க்கவும்.

இந்த பிரச்னை அமெரிக்காவோடு நிற்கவில்லை. ஐரோப்பிய நாடுகளிலும் இதன் தாக்கம் இருப்பதாக தகவல். இந்த வருட கடைசிக்குள் கோல்ட்மேன் சாக்ஸ், மெரில் லிஞ்ச், மார்கன் ஸ்டான்லி, வெல்ஸ் பார்கோ போன்ற பல வங்கிகள் floating rate டெபாசிட்டுக்கான பல பில்லியன் டாலர் பணத்தை திரும்ப கொடுக்க வேண்டும். இத்தாலியின் யுனிகிரடிட் வங்கிக்கும் இதே பிரச்னை.

Lehman brothers $60-லிருந்து $16-க்கு விழும் என்று போன வருடம் யாராவது சொல்லியிருந்தால் அவரை ஏளனமாக பார்த்திருப்பார்கள். அப்படிப்பட்ட super-duper நிறுவனமே இன்று தள்ளாடுகின்றது. நம் பணத்தை நாம் கவனமாக பார்த்துக் கொள்வது நல்லது.

3 comments:

ஆளவந்தான் said...

I expected your post today.( since it was long week-end, you may be little bit free :) )

It is useful post. If possible, can you please post relation between GAS and GOLD Price. Any speculation on those commodities.

Thanks!

Bharathi said...

Hi, anyone that still works in U.S. bank would be very busy for the foreseeable future! Lehman episode may be the last straw for investors to panic.

There is no real correlation between Crude oil and Gold. It used to move in tandem. When crude oil rises, gold price also (used to) increase. This didn't happen between 1986 and 2006. This tandem movement started again in 2007 and is still active. Please see http://www.newfuelnow.com/commentary/may2008/phillips052008/

Personally I would never play with oil even with our company money. It's not only speculative, but also heavily influenced by political factors. I never want to mess up with politicians, especially the Russians.

If you want to play gold, best bet is to invest in gold ETFs, if you live in U.S.

மங்களூர் சிவா said...

வங்கிகளின் பொறுப்பற்ற கடன் கொடுக்கும் பாலிசியால் வந்த வினை :(((

Related Posts Plugin for WordPress, Blogger...