Sunday, December 16, 2007

பத்தாயிரம் பத்தாதா?

இரண்டு வாரங்களுக்கு முன்னால் அவள் விகடனில் (07-12-07) ஒரு கட்டுரை படித்தேன். (?) விகடன்.காம் முகப்பு பக்கத்தில் “அயல் நாட்டு வாழ்க்கை – அதிர்ச்சி தரும் மறுபக்கம்” என்று ஒரு லிங்க் கொடுத்திருந்தார்கள்.

அவள் விகடனின் கட்டுரை ஜெனிதா என்ற பெண் அமெரிக்காவில் பட்ட வரதட்சணை கொடுமையை பற்றியது. தன் கணவன் கொடுமைப் படுத்தும் போது ஜெனிதா தன் வாழ்ந்த நகரத்து போலீஸ் நிலையத்துக்கு ஒரு போன் செய்திருந்தாலே அவர் கணவனின் கதை கந்தலாயிருக்கும். காரிலிருந்து கீழே தள்ளிவிடுமளவுக்கு போயிருக்காது. இப்படியும் சில பேராசை மனிதர்களா என்று ஆத்திரம் வருகிறது.

அவள் விகடன் கட்டுரையில் ஒரு பெண்மணி அமெரிக்க வாழ்க்கையை பற்றி பேட்டி கொடுத்திருந்தார்.

“அமெரிக்காவில் மாதம் பத்தாயிரம் டாலர் வாங்கினாலும் அவ்வளவும் செலவாகி விடும். சேமிப்பது கஷ்டம்”.

Wow! இந்த பெண்மணி அமெரிக்காவில் வசித்திருக்க மாட்டார் என்று நினைக்கிறேன்.

தனக்கு மாதம் பத்தாயிரம் டாலர் சம்பளம் கிடைக்குமென்றால் அமெரிக்கர்கள் பலர் போட்டி போட்டுக் கொண்டு அந்த வேலையில் சேர்வார்கள். மாதம் பத்தாயிரம் டாலர் என்றால், வருடத்துக்கு $120,000. அமெரிக்காவில் இந்த அளவுக்கு சம்பளம் வாங்குபவர்களே குறைவு. அமெரிக்கர்களின் சராசரி வருட சம்பளம் $35,499.

மாதம் பத்தாயிரம் டாலர் வாங்கினால், அதில் குறைந்த பட்சம் $4,000 சேமிக்கலாம். புத்தம் புது கார்களை வாங்காமல், தினமும் Pizza Hut போகாமல், ஆடம்பரமாக செலவு செய்யாமல் இருந்தால் $5,000 சேமிக்கலாம்.

இந்திய நிறுவனங்களிலிருந்து அமெரிக்காவில் வேலைக்கு வரும் பல கணிணி நிபுணர்களுக்கு சராசரி மாத அலவன்ஸ் $2,000. அதிலேயே பலர் $1,000+ சேமிக்கிறார்கள்.

வெளிநாட்டில் சேமிப்பைப் பற்றி உங்கள் கருத்துகளை எழுதுங்கள். ஆரோக்கியமான விவாதமாக இருந்தால் நன்றாக இருக்கும். மாதம் பத்தாயிரம் டாலர் சம்பாதித்தும் சரியாக சேமிக்க முடியாமல் யாராவது இருந்தால் அவசியம் ஒரு Financial Advisor-ஐ பாருங்கள்!

6 comments:

தங்ஸ் said...

அப்படி சேமிக்க இயலாதபடியான சூழ்நிலை வெகு சிலருக்குத்தான்..மற்றபடி நன்றாகவே சேமிக்கலாம்..சதவிகிதம் வேண்டுமானால் வேறுபடலாம்.
Post Doc. பணியில் இருப்பவர்கள் குடும்பம், குட்டியுடன் இருந்தால் ஒற்றைச்சம்பளத்தில் சேமிக்க அதிகம் இருக்காது எனக்கேள்விப் பட்டிருக்கிறேன்..

Bharathi said...

தாங்ஸ் தங்ஸ்! ;-)

மங்களூர் சிவா said...

romba kashtam!!

குமரன் (Kumaran) said...

ஆகா. மாதம் பத்தாயிரம் கிடைத்தால் கட்டாயம் நிறைய சேமிக்கலாமே. வீட்டு மார்ட்கேஜ், அடிக்கடி ரெஸ்டாரெண்ட் என்று எல்லா செலவுகளையும் செய்த பின்னரும்.

அன்பு: parasparfund@gmail.com said...

அன்பு பாரதி,

வணக்கம். நிறைய செய்திகள் ஆனால் நல்ல வேகமான நடையில்... இந்தப்பதிவு மட்டுமல்ல, பெரும்பாலும்.
வாசிக்க நல்லா இருக்குது... போறபோக்குல சீரியஸ் மேட்டரை போட்டுத்தாக்கிட்டு போய்ட்டே இருக்கீங்க. பாராட்டுக்கள்.

Bharathi said...

வணக்கம் அன்பு! மிக்க நன்றி! கேட்க சந்தோஷமாக இருக்கிறது.

Related Posts Plugin for WordPress, Blogger...