Tuesday, January 23, 2007

இந்தியாவை நோக்கி...

இந்தியாவை நோக்கி மேலும் பல கோடி டாலர்கள் வரப்போகிறது. சிட்டி பேங்கின் முன்னாள் உயர் அதிகாரிகள் இருவர் இந்தியா, சீனா போன்ற நாடுகளில் முதலீடு செய்ய புதிதாக ஒரு Private Equity fund ஆரம்பித்திருக்கிறார்கள்.

ராபர்ட் விள்ளம்ஸ்டாட் சிட்டி பேங்கின் முன்னாள் பிரசிடென்ட். மார்ஜோரி மாக்னர் என்பவர் head of Global consumer operations என்ற பதவியில் இருந்தார். இவர்கள் இருவரும் சிட்டி பேங்கில் சரியான அங்கீகாரம் கிடைக்காத காரணத்தால் ராஜினாமா செய்து விட்டார்கள்.

President, Global head… இதற்கு மேல் என்ன அங்கீகாரம் வேண்டும்?! ஒரு நிறுவனத்தில் வேலை சேரும் போது பக்கத்து கியூபில் உள்ளவர்களை விட நாம் ஒரு படி மேலே உயர்ந்தால் அது கௌரவம். ஆனால் Global head என்ற நிலைக்கு வரும் போது அடுத்த குறி CFO, COO போன்றது தான். அது கிடைக்காத போது மனது வேதனைப்படுகின்றது. அதுவும் தன்னை விட வயதும் அனுபவமும் குறைந்த ஒருவருக்கு தான் விரும்பிய பதவி கிடைக்கும் போது மேலும் மன உளைச்சல்.

இவர்கள் இருவரும் சிட்டி பேங்கை விட்டு வெளியே வந்ததற்கு முக்கிய காரணம் – சாலி கிராசெக். 42 வயதான சாலி ஜெட் வேகத்தில் சிட்டி பேங்கின் படிகளில் ஏறினார், இவர் CFO பதவிக்கு உயர்த்தப்பட்டதும் ராபர்ட்டும் (வயது 61), மார்ஜோரியும் (வயது 57) சிட்டி பேங்கிலிருந்து வெளியேறி விட்டனர். இரண்டு நாட்களுக்கு முன்னால் சாலியும் வேறு பதவிக்கு மாற்றப்பட்டு விட்டார்.

Back to the point: ராபர்ட், மார்ஜோரி இருவரும் சேர்ந்து Brysam global partners என்ற நிறுவனத்தை ஆரம்பித்துள்ளனர். தங்களது செல்வாக்கினால் ஒரு பில்லியன் டாலர்கள் (4500 கோடி ரூபாய்) முதலீடு வாங்கியிருக்கிறார்கள். சிட்டி பேங்கின் முக்கிய எதிரி ஜே.பி.மார்கன் அதிகமான முதலீடு செய்துள்ளது.

இந்த நிறுவனம் இந்தியா, ரஷ்யா மற்றும் சீனாவில் வங்கிகளிலும் நிதி சம்பந்தப்பட்ட துறைகளிலும் முதலீடு செய்யப் போகின்றது. இந்தியாவில் உள்ள சிறு வங்கிகள் இதன் மூலம் பயன் பெறும்.

3 comments:

மாசிலா said...

நல்ல செய்தி.
பகிர்ந்தமைக்கு நன்றி.
தொடர்க.

குமரன் (Kumaran) said...

நல்ல செய்தி பாரதி.

Bharathi said...

Thanks for the feedback

Related Posts Plugin for WordPress, Blogger...