Saturday, December 16, 2006

வரியை குறைப்பதற்கான யோசனைகள்

அமெரிக்காவில் டிசம்பருடன் 2006-க்கான கணக்கு வருடம் முடிகிறது. வருமான வரியை குறைக்க சில யோசனைகள்.

உங்களிடமிருக்கும் பல பங்குகளை நீங்கள் லாபத்தில் விற்றிருந்தால் Capital gains tax கட்ட வேண்டியிருக்கும். நஷ்டமடைந்த பங்குகள் உங்கள் கணக்கில் இருந்து, டிசம்பர் 29க்குள் அவற்றை விற்று விட்டால், அந்த நஷ்டம் மற்ற பங்குகளிலிருந்து கிடைத்த லாபத்தை குறைத்து விடும். இதன் மூலம் உங்கள் வருமான வரியும் குறையும்.

இப்போதிலிருந்து வருடக் கடைசிக்குள் புதிதாக பரஸ்பர நிதிகள் வாங்குவதாக இருந்தால் கவனம் தேவை. சில நிதிகள் வருட கடைசிக்கான பண பட்டுவாடா (year-end distribution) செய்யும் நேரம் இது. இந்த நிதிகள் இந்த வருடம் நல்ல லாபம் அடைந்திருந்தால் இதற்கான வரியும் அதிகமாயிருக்கும். நீங்கள் இன்று வரை இந்த நிதிகளை வைத்துக் கொள்ளாமலிருந்தாலும் புதிதாக வாங்கும் போது இந்த நிதிகளின் வரிச்சுமையின் பங்கு உங்கள் தலையிலும் வந்து விழும். இது போன்ற நிதிகளின் year-end-distribution payout முடிந்த பிறகு வாங்குவது நல்லது.

இது போன்ற பிரச்னைகள் 401k கணக்குகளில் புதிதாக பரஸ்பர நிதிகளை வாங்கினால் வராது. 401k கணக்குகள் வரி தள்ளி வைக்கப்பட்ட (tax deferred) கணக்குகள்.

தொண்டு நிறுவனங்களுக்கு நன்கொடை கொடுங்கள். Itemized deduction செய்வதாக இருந்தால் நன்கொடையால் உங்கள் வரி குறையும்.

3 comments:

Anonymous said...

Excellent work Bharathi,very informative blog!!
Keep up your good work.
I am the regular visitor of your blog.
..aadhi

குமரன் (Kumaran) said...

நன்றி பாரதி.

Bharathi said...

ஆதி, குமரன்: நன்றி, அடிக்கடி வாருங்கள்!

Related Posts Plugin for WordPress, Blogger...