Friday, October 28, 2005

ஆப்ஷன் பாகம் - 3

பாகம் 1 பாகம் 2 பாகம் 4 பாகம் 5 பாகம் 6 பாகம் 7

ஆப்ஷனை வாங்குபவர்களில் 90 சதவிகிதம் பேர் அதை Exercise செய்வதில்லை, நஷ்டமடைகிறார்கள். அவ்வளவு பணமும் ஆப்ஷனை விற்பவர்கள் பாக்கெட்டில். Call ஆப்ஷனை நீங்கள் வாங்குவதாயிருந்தால் குறைந்தது 2 மாதங்கள் கழித்து உள்ள Strike Price-ல் வாங்குங்கள்.

இருப்பதிலேயே சுலபமான வழி, Covered Call முறை தான். நல்ல முறையில் நடத்தப்படும் கம்பெனியின் பங்குகளை வாங்குங்கள். வாங்கிய விலையை விட அதிகமாக உள்ள Strike Price-ல் Call ஆப்ஷனை விற்று விடுங்கள். அந்த ஆப்ஷன் Exercise செய்யப்பட்டாலும், செய்யப்படாவிட்டாலும் உங்களுக்கு லாபம் தான். வாங்கிய பங்கின் விலை ரொம்ப குறைந்தால் மட்டும் தான் பிரச்னை, அதற்கு தான் நல்ல பங்குகளை வைத்து ஆப்ஷனில் டிரேட் செய்ய வேண்டும்.

உதாரணம்:

இன்று Genentech (DNA) $87.72க்கு விற்கிறது. நான் 100 பங்குகளை வாங்குகிறேன். $8772 செலவு.

Jan 2006-க்குள்ள $90 Strike Price-ல் Call ஒப்பந்தத்தை $470க்கு விற்கிறேன். $470 வரவு.

Jan 20, 2006 அன்று DNA $90க்கு மேல் விற்றால் உங்கள் Call ஒப்பந்த்தப்படி $90க்கு DNA பங்குகளை நீங்கள் விற்று விட வேண்டும். அப்படி செய்தால் உங்களின் லாபம் = $9000-$8772+$470 = $1028.

Jan 20, 2006 அன்று DNA $90க்கு கீழே விற்றால், நீங்கள் விற்ற Call ஒப்பந்தம் காலாவதியாகிவிடும். எனவே DNA 100 பங்குகளும் உங்கள் கையை விட்டு போகாது. ஆனால் கிடைத்த $470 பிரீமியம் உங்களுக்கு லாபம். நீங்கள் திரும்பவும் April 2006க்குள்ள Call ஒப்பந்தத்தை விலைக்கு விற்கலாம்.

DNA பங்கு $90க்கு கீழ் ரொம்பவும் குறைந்தால் தான் உங்களுக்கு நஷ்டம் வரும். பங்கு சந்தையில் பணத்தை முதலீடு செய்யும் போது எப்போதுமே லாபம் கிடைக்கப் போவதில்லை. நஷ்டங்களும் வரத்தான் செய்யும். லாபத்தை அதிகப்படுத்தி நஷ்டத்தை குறைக்க ஒரு ரகசியம் உள்ளது. அதன் பெயர் கட்டுப்பாடு. Covered Call எழுதுவதற்காக பங்குகளை வாங்கும் முன்பே எவ்வளவு நஷ்டத்தை உங்களால் தாங்கிக்கொள்ள முடியும் என்று தீர்மானிக் கொள்ளுங்கள். மேலே சொன்ன உதாரணத்தில் DNA $77க்கு குறைவாக போய் விட்டால் நீங்கள் விற்ற Call ஒப்பந்தத்தை திரும்பவும் வாங்கி விடுங்கள். அதன் விலையும் $470லிருந்து $40க்கு குறைந்திருக்கும். பங்குகளில் $1000 நஷ்டம், அதே சமயம் ஆப்ஷனினால் சுமார் $400 லாபம். மொத்தம் $600 நஷ்டம். இந்த மாதிரி Stop loss லெவலில் உறுதியாக இருந்தால் நஷ்டங்களை கட்டுப் படுத்தலாம். இல்லாவிடில் நஷ்டங்கள் நம்மை படுத்தி விடும்!

இது வரை நீங்கள் ஆப்ஷனில் டிரேட் செய்யாமல் இருந்தால், Paper trade செய்து பாருங்கள். அதாவது ஒரு பேப்பரில் மேலே உதாரணத்தில் சொன்னது போல டிரேடை எழுதி வைத்துக் கொள்ளுங்கள். ஒவ்வொரு வாரமும் அந்த டிரேட் எப்படி போகிறது என்று பார்த்து வாருங்கள். Jan 20, 2006 அன்று அந்த டிரேட் எப்படி முடிந்திருக்கும் என்று சோதித்து பாருங்கள். இப்படி பல முறை Paper trade செய்த பிறகு உங்களுக்கு ஆப்ஷன் சுலபமாக பிடிபடும். Optionsxpress போன்ற தரகர்களின் வலைத்தளத்தில் Paper trade பயிற்சி செய்து பார்க்கலாம்.

Call ஒப்பந்தம் போன்று Put ஒப்பந்தம் என்றொரு முறை உள்ளது. நீங்கள் வாங்கி வைத்துள்ள பங்குகளை பாதுகாக்க Put உதவும். அதைப்பற்றி அடுத்த பாகத்தில்...



பின்குறிப்பு:

அமெரிக்க மார்க்கெட்டை உதாரணமாக நான் காட்டினாலும், இந்த தொடர் எந்த நாட்டுக்கும் பொருந்தும்.

பாகம் 1 பாகம் 2 பாகம் 4 பாகம் 5 பாகம் 6 பாகம் 7

Sunday, October 23, 2005

சில வலைப்பதிவுகள்

ஆங்கிலத்தில் நான் ஒரு வலைப்பதிவு எழுதி வருகிறேன். என்னுடைய சமீபத்திய டிரேடுகள் இங்கு உள்ளன. அதைப் பார்க்க இங்கு கிளிக்கவும்.

என் நெருங்கிய நண்பர் Digital Bhoomi என்றொரு வலைத்தளத்தை நடத்தி வருகிறார். அதில் நான் உடல் நலம் சம்பந்தமான கருத்துகளை தொகுத்து வழங்குகிறேன். கொஞ்சம் நேரம் இருந்தால் இங்கு எட்டிப் பாருங்களேன்.

Friday, October 21, 2005

ஆப்ஷன் - பாகம் 2

பாகம் 1 பாகம் 3 பாகம் 4 பாகம் 5 பாகம் 6 பாகம் 7

ஆப்ஷன் உருவாக்கப் பட்டதே நஷ்டத்தை குறைப்பதற்கு (Hedge) தான். ஆனால் இந்த ஆப்ஷனினால் தான் ஒவ்வொரு நாளும் பல்லாயிரம் மக்கள் பல கோடிகளை இழக்கிறார்கள். டிசம்பர் 19, 1997 அன்று நடந்த Silk Air விபத்துக்கு கூட ஆப்ஷன் டிரேட் தான் காரணம் என்று சொல்லப் படுகிறது. அந்த விமானத்தின் முதல் விமானி சூதாட்டக்காரன். அவன் கடன் வாங்கி Commodities மார்க்கெட்டில் ஆப்ஷனில் விளையாடினான். கோடிக்கணக்கில் நஷ்டம், கடன். அதிலிருந்து தப்பித்து தன் குடும்பத்துக்கு இன்சூரன்ஸ் தொகை கிடைப்பதற்காக அவன் தற்கொலை செய்து கொண்டதாக கூறப்படுகிறது. அவன் செய்தது தற்கொலை மட்டுமில்லை, 104 கொலை. "Silk air crash suicide" என்று தேடிப் பாருங்கள். ஆப்ஷனில் நஷ்டமடைய முதல் காரணம் பேராசை தான், அடுத்த காரணம் தன்னால் இழக்ககூடியதை விட பெருந்தொகையை முதலீடு செய்வது.

Call ஒப்பந்தத்தை பொருத்த வரை வாங்குபவரை விட விற்பவற்கு தான் ரிஸ்க் குறைவு. அதனால் வாங்குபவர் ஜாக்கிரதையாக டிரேட் செய்ய வேண்டும். பாகம் ஒன்றில் நாம் பார்த்த Microsoft ஆப்ஷனில் பங்கு விலையை விட அதிக விலைக்கு வாங்குவதாக ஒப்பந்தம் போடக்கூடாது. இது ஒரு அடிப்படை விதி. இதை மீறி ஆப்ஷனில் விளையாடுவது லாஸ் வேகாஸில் பணத்தை விட்டெறிவதை விட ஆபத்தானது. கொஞ்சம் விரிவாக பார்க்கலாம்.

இன்று MSFT (Microsoft) $24.78க்கு விற்கிறது. இந்த பங்கின் ஆப்ஷன் விலைகளை பார்ப்பதற்கு இங்கு செல்லவும். ஆப்ஷன் ஒப்பந்தம் போடுவதற்கு $2.50 அல்லது $5 வித்தியாசத்தில் வெவ்வேறு விலைகள் இருக்கின்றது. இந்த விலைகளை "Strike Price" என்று சொல்வார்கள். உதாரணமாக MSFT ஆப்ஷனை $5, $7.50, $10, ... $32.50 என்று வெவ்வேறு விலைகளுக்கு (Strike price) ஒப்பந்தம் போடலாம். ஒவ்வொரு Strike priceக்கும் Bid, ask என்று இரண்டு விலைகள் உள்ளன. Bid என்பது ஒப்பந்தம் விற்பவருக்கு கிடைக்கும் விலை. Ask என்பது வாங்குபவர் கொடுக்க வேண்டிய விலை. இந்த இரண்டு விலைக்கும் உள்ள வித்தியாசத்தை Spread என்று சொல்வார்கள், அது தரகருக்குப் போய் விடும். Strike Price உயர உயர ஆப்ஷனின் விலை குறையும்.

நவம்பர் 2005-ல் $20 விலைக்கான ஒப்பந்தத்தை $490க்கு வாங்கலாம். ஆனால் $27.50 விலைக்கான ஒப்பந்தத்தை $10க்கு வாங்கலாம். நவம்பர் 18, 2005க்குள் மைக்ரோசாப்ட் $30க்கு விற்றால், $27.50 விலைக்கான ஒப்பந்தம் $260க்கும் மேல் போய்விடும். $10 முதலீடுக்கு $250 லாபம். போட்ட பணத்துக்கு 25 மடங்கு லாபம் கிடைக்கிறது. இந்த leverage தான் ஆப்ஷன் பக்கம் நிறைய பேரை கண்களில் கனவுகளுடன் அழைக்கிறது. (ஒரு மாதத்தில் $10,000 முதலீடு செய்தால், $250,000 லாபம் கிடைக்கும்; அதை திரும்பவும் அடுத்த மாதம் முதலீடு செய்தால், $6 மில்லியனுக்கு மேல் பணம் கிடைக்கும், இரண்டு வருடத்தில் மைக்ரோசாப்டை விலைக்கு பேசலாம்.) ஆனால் $27.50 விலைக்கு ஒப்பந்தம் வாங்கியவர்களில் அத்தனை பேரும் போட்ட பணத்தை இழந்து விடுவார்கள். இந்த ஒப்பந்தங்களை விற்றவர்களுக்கு தான் லாபம்.

4 வாரங்களுக்குள் இந்த பங்கின் விலை $24லிருந்து $30க்கு போவதற்கு வாய்ப்பு மிக குறைவு. $27க்கு கூட எட்டாது. ஆனாலும் லாட்டரி சீட்டு வாங்குவது போல் நினைத்துக் கொண்டு இதில் நிறைய பேர் விளையாடுகிறார்கள். Call ஒப்பந்தங்களை வாங்குபவர்கள் சில விதிகளை கடைபிடித்தால் ரிஸ்க் குறைவு.

1. Call ஒப்பந்தம் வாங்கும் போது குறைந்தது 2 மாதத்திற்கு பிறகு உள்ள ஒப்பந்தங்களை வாங்க வேண்டும்.

2. பங்கு விற்கும் விலைக்கு குறைவாக உள்ள Strike price-ல் ஒப்பந்தம் வாங்க வேண்டும்.

3. Call வாங்கும் போதே உங்கள் risk tolerance எவ்வளவு என்று தீர்மானித்துக் கொள்ள வேண்டும். $500 முதலீடு செய்கிறீர்கள், எவ்வளவு லாபத்தை எதிர்பார்க்கிறீர்கள், எவ்வளவு நஷ்டத்தை உங்களால் ஏற்றுக் கொள்ள முடியும் என்பதையெல்லாம் "வாங்குவதற்கு முன்பே" தீர்மானித்து கொள்ள வேண்டும். ஒரு வேளை பங்கின் விலை சரிய ஆரம்பித்து விட்டால், ஒரு குறிப்பிட்ட விலைக்கு கீழ் ஆப்ஷன் விலை போய்விட்டால் அந்த நஷ்டத்தை ஏற்றுக் கொண்டு உடனே அந்த ஆப்ஷனை விற்று விட வேண்டும். OptionsXpress போன்ற தரகர்கள் Stop loss என்று ஒரு முறை வைத்திருக்கிறார்கள். $500க்கு அப்ஷனை வாங்குகிறீர்கள், உங்களால் $200 நஷ்டத்தை தான் சமாளிக்க முடியும் என்றால் ஆப்ஷனின் விலை $300க்கும் கீழ் போனால் விற்று விடும் படி Stop loss கொடுத்து விட வேண்டும்.

இது வரை நாம் பார்த்ததை விட இன்னும் கொஞ்சம் உள்ளடங்கிய விபரங்களை இனி பார்க்கலாம்.

Bid, Ask இரண்டு விலைகளும் குறிப்பிடுவது ஒரு பங்குக்கான ஆப்ஷன் விலை. ஒரு Call ஒப்பந்தம் நூறு பங்குகளுக்கு போடப் படுகின்றது. அதனால் Bid, Ask விலைகளை நூறால் பெருக்கி கொள்ளவேண்டும்.

Bid, Ask விலைகளுடன் Open Interest, Volume போன்ற விபரங்களையும் தரகர்கள் தருவார்கள். ஒரு குறிப்பிட்ட Call-ன் எத்தனை ஒப்பந்தங்கள் மார்க்கெட்டில் இருக்கின்றது என்பதை Open Interest காண்பிக்கும். இன்று எத்தனை ஒப்பந்தங்கள் பரிமாறப்பட்டன என்பதை Volume சொல்லும். Open Interest, Volume இரண்டுமே குறிப்பிட்ட ஆப்ஷன் எவ்வளவு பாப்புலர் என்று காட்டும்.

Call ஒப்பந்தங்களின் வெவ்வெறு வகைகளைப் பற்றி மீண்டும் பார்ப்போம்.

1. பாகம் ஒன்றில் பார்த்தபடி நீங்கள் பங்குகளை வைத்திருந்தால் அதற்கான் Call ஆப்ஷன் ஒப்பந்தங்களை விற்கலாம். இதற்கு Covered call என்று பெயர். Uncovered call என்றொரு விவகாரமான உத்தி ஒன்று இருக்கிறது, அதை வரும் பாகங்களில் பார்க்கலாம். Covered call விற்கும் போது பங்குகளை குறிப்பிட்ட விலைக்கு விற்க ஒப்புக் கொள்கிறீர்கள். Google பங்குகள் நூறை ஒரு பங்கு $300க்கு வாங்கி வைத்திருக்கிறீர்கள். அதன் டிசம்பர் 340 call ஆப்ஷனை $1700க்கு covered call விற்று விடுகிறீர்கள். டிசம்பரில் Google $440க்கு விற்றால் கூட, நீங்கள் $340க்கு அந்த பங்குகளை விற்று விட வேண்டும்.

2. நீங்கள் பங்குகளை சில மாதங்கள் கழித்து இன்றைய விலையில் வாங்க ஆசைப்பட்டால், அதற்கான call ஆப்ஷன் ஒப்பந்தங்களை வாங்கலாம்.

3. பங்குகளை வாங்க விருப்பமில்லை, ஆனால் ஆப்ஷனை வைத்து லாபம் சம்பாதிக்கலாம் என்று ஆசைப்படுபவர்கள் call ஆப்ஷன் ஒப்பந்தங்களை வாங்கலாம். ஆப்ஷனில் டிரேட் செய்பவர்களில் பெரும்பாலோர் இந்த வகையினர் தான். பணத்தை இழப்பவர்களில் பெரும்பாலானவர்களும் இந்த வகை தான்.


இன்னும் வரும்...

பாகம் 1 பாகம் 3 பாகம் 4 பாகம் 5 பாகம் 6 பாகம் 7

Monday, October 17, 2005

ஆப்ஷன் - பாகம் 1

ஆப்ஷன் பற்றி பேசும்போது தமிழ் வார்த்தைகளை உபயோகிக்கத்தான் ஆசையாக உள்ளது. ஆனால் பங்கு சந்தையில் நிறைய வார்த்தைகள் தமிழில் சரியாக மொழி பெயர்க்கப்படவில்லை. உதாரணமாக, ஆப்ஷனை தமிழில் "தேவையானதை தெரிவு செய்யும் முறை" என்று சொல்ல வேண்டும். Derivatives என்பதற்கு "மூலப் பொருளிலிருந்து பெற்றவை". ஆப்ஷன் பற்றி விளக்கும் போது சில ஆங்கில வார்த்தைகளை அப்படியே தமிழில் எழுதினால் எனக்கு விளக்க சுலபமாக இருக்கும்.

எனக்கு IBM பங்குகளை வாங்க வேண்டும் என்று ஆசை. இன்று ஒரு பங்கின் விலை $80. நூறு பங்குகளை வாங்குவதென்றால் நான் $8000 கொடுக்க வேண்டும். என்னிடம் அவ்வளவு பணம் இன்று இல்லை. ஜனவரி மாதத்தில் என்னுடைய கம்பெனியிடமிருந்து $10,000 போனஸ் எதிர்பார்க்கிறேன், அப்போது என்னால் இந்த பங்குகளை வாங்க முடியும். ஆனால் ஜனவரியில் இந்த பங்குகள் $100க்கு மேல் போய் விட்டால் என்ன செய்வது என்று மனதுக்குள் குடைச்சல். இந்த மாதிரி சமயத்தில் தான் ஆபத்பாந்தவனாக ஆப்ஷன் உதவி செய்யும். IBM பங்குகளை இன்று ராமசாமி என்பவர் விற்க விரும்புகின்றார் என்று வைத்துக் கொள்வோம். அவரிடம் போய் "சார், ஜனவரி வரை பொறுத்திருங்கள். அப்போது 100 பங்குகளை உங்களிடமிருந்து ஒரு பங்குக்கு $80 விலையில் நான் வாங்கிக் கொள்கிறேன். இதற்கு நீங்கள் ஒப்புக்கொண்டால், இன்றே உங்களுக்கு நான் $300 ப்ரீமியம் தருகிறேன்" என்று நான் ஒப்பந்தம் போட்டால், அது தான் ஆப்ஷன் ஒப்பந்தம்.

மேலே சொன்ன ஆப்ஷன் ஒப்பந்த்ததிற்கு "Call" என்று பெயர். 2006-ம் ஆண்டு ஜனவரி மாதத்திற்குள் நான் $8000 ராமசாமியிடம் கொடுத்தால் அவர் எனக்கு 100 IBM பங்குகளை கொடுத்து விடவேண்டும். ஜனவரியில் ராமசாமி மனம் மாறி பங்குகளை விற்க மாட்டேன் என்று அடம் பிடித்தால் என்ன செய்வது? "வார்த்தை தவறி விட்டாய் ராமசாமி" என்று பாட்டெல்லாம் பாடிக் கொண்டிருக்க முடியாது. தரகர்களின் மூலம் வாங்கி விற்கும் போது இந்த பிரச்னை இல்லை. ஜனவரி மாதம் வரும்போது IBM பங்கின் விலை $90 என்று வைத்துக்கொள்வோம். அந்த சமயம் என் Call ஒப்பந்தத்தை நான் அமுல்படுத்தி IBM கம்பெனியின் 100 பங்குகளை ராமசாமியிடமிருந்து ஒரு பங்குக்கு $80 என்ற கணக்கில் நான் வாங்கிகொள்ளலாம். நான் மொத்தமாக செலவு செய்தது ($80 * 100) + ($300) = $8300. ($300 நான் கொடுத்த ப்ரிமீயம்) ஆனால் எனக்கு கிடைத்ததோ $9000 மதிப்புள்ள பங்குகள். இந்த மாதிரி விளையாட்டு விளையாடியதில் $700 லாபம்.

இந்த Call ஒப்பந்ததில் எப்பொதும் லாபம் கிடைக்கும் என்று சொல்ல முடியாது. ஜனவரியில் IBM பங்கு $40க்கு விழுந்து விடுகிறது என்று வைத்துக்கொள்வோம், நான் ராமசாமியிடமிருந்து $80க்கு பங்குகளை வாங்க மாட்டேன். அதெப்படி ராமசாமி பின் வாங்க முடியாது, நான் பின்வாங்கலாம்? Call ஒப்பந்தத்தில் அது ஒரு சௌகரியம். நான் $300 ப்ரீமியம் கட்டுகிறேன் அல்லவா, அதற்கு கிடைக்கும் சலுகை. என்ன, நான் கட்டிய $300 ப்ரிமீயத்தை ராமசாமி திருப்பி தரமாட்டார். $40 பங்குக்கு $80 விலை கொடுப்பதை விட (100 பங்குகளுக்கு நஷ்டத்தை நூறால் பெருக்குங்கள்) $300 நஷ்டம் ஒன்றும் பெரிய விஷயமாக தெரியாது. இது ஒரு இன்சூரன்ஸ் மாதிரி தான்.

இந்த Call ஒப்பந்ததில் நான் IBM பங்குகளின் விலை உயரும் என்று கணக்கு போடுகிறேன், ராமசாமி அப்படியெல்லாம் ஒன்றும் ஆகாது என்று கணக்கு பொடுகிறார். யார் கணக்கு சரியாக இருக்கிறதோ அவருக்கு லாபம்.

இந்த Call ஒப்பந்ததை வைத்து வெவ்வேறு வழிகளில் பணம் பண்ணலாம்.

என்னை போன்ற ஆட்கள் Call ஒப்பந்தத்தின் மூலம் பங்குகளை விற்பதற்காகவே பங்குகளை வாங்குவதுண்டு. இரண்டு வாரங்களுக்கு முன்னால் BTU (Peapod Energy) கம்பெனியின் 100 பங்குகளை ஒரு பங்கு $75.64 விலைக்கு வங்கினேன். வாங்கிய இரு வினாடிகளிலே அக்டோபர் 21, 2005க்குள் இந்த நூறு பங்குகளையும் ஒரு பங்கு $75 விலைக்கு விற்க ஒப்புக்கொள்வதாக ஊர் பேர் தெரியாத ஒரு ஆளிடம் Call ஒப்பந்தம் செய்துகொண்டேன். இதனால் எனக்கு கிடைத்த ப்ரிமீயம் $300. அதென்ன அக்டோபர் 21 கணக்கு? ஆப்ஷன் ஒப்பந்தங்கள் அனைத்தும் மாதத்தின் மூன்றாவது வெள்ளியன்று காலாவதியாகும். அக்டோபர் 2005 Call என்பதால் அக்டோபர் 21, 2005 அன்று காலாவதியாகும். இதுவே நவம்பர் 2005 Call என்றால், அது நவம்பர் 18 அன்று காலாவதியாகும்.

சிலர் தன்னிடம் இருக்கும் பங்குகளை வாடகைக்கு விடுவதாக நினைத்துக்கொண்டு Call ஒப்பந்தங்களை விற்பதுண்டு. என்னிடம் 100,000 மைக்ரோசாப்ட் பங்குகள் இருக்கின்றது என்று வைத்துக் கொள்வோம் (நினைத்தாலே இனிக்கிறது!). இந்த பங்குகள் ரொம்ப நாளாக $24 - $26 என்ற ரேஞ்சிலேயே பரிவர்த்தனை (Trade) ஆகிக் கொண்டிருக்கின்றன. போட்ட பணம் முழுதும் சும்மா முடங்கி கிடக்கிறது. 100,000 பங்குகளையும் நவம்பர் 2005க்குள் ஒரு பங்கு $27.50 என்கிற விலைக்கு விற்க நான் ஒப்புக்கொண்டால் எனக்கு ப்ரீமியம் மட்டுமே $50,000 கிடைக்கும். நவம்பர் 18, 2005க்குள் மைக்ரோசாப்ட் பங்குகள் $27.50க்கு போவதற்கான வாய்ப்புகள் ரொம்ப கம்மி. இப்படி கொஞ்சம் கணக்குப்போட்டு ரிஸ்க் எடுத்து பங்குகளை “வாடகைக்கு” விற்று சம்பாதிக்கும் பெரும் பணக்காரர்கள் நிறைய பேர் உண்டு.

இப்படிப் பட்ட பணக்காரர்களிடம் ஏமாந்து போகும் சாதாரண மனிதர்களைப் பற்றி அடுத்த பாகத்தில்...

பாகம் 2 பாகம் 3 பாகம் 4 பாகம் 5 பாகம் 6 பாகம் 7

பின்குறிப்பு: அமெரிக்க மார்க்கெட்டை உதாரணமாக நான் காட்டினாலும், இந்த தொடர் எந்த நாட்டுக்கும் பொருந்தும்.

Monday, October 10, 2005

ஸ்டாக் புரோக்கர்கள்

1998-ல் ஸ்டாக் வாங்குவதற்கு $80 கமிஷன் கொடுத்திருக்கிறேன். அப்போதெல்லாம் Smith Barney மட்டும் தான் எனக்கிருந்த சாய்ஸ். இன்டர்நெட்டின் உதவியால் இந்த விலை ரொம்ப குரைந்து விட்டது. கடந்த 6 வருடங்களாக Brown & Co (http://www.brownco.com) -வை உபயோகித்து வருகிறேன். மிகச்சிறந்த கம்பெனி. நீங்கள் ஸ்டாக் வாங்கி விற்பதற்கு இவர்களை விட சிறந்தவர்கள் யாரும் கிடையாது. ஆனால் Options வாங்கி விற்பதற்கு OptionsXpress (http://www.Optionsxpress.com) தான் சிறந்த கம்பெனி. Options பற்றி இன்னொரு நாள் விளக்கமாக எழுதிகிறேன். இந்த 2 கம்பெனிகளிலும் நான் trade செய்கிறேன்.

இருப்பதிலேயே மட்டமான கம்பெனி சார்லெஸ் ஷ்வாப் (Charles Schwab). இந்த கம்பெனியின் சர்வீஸ் படு மட்டம், கமிஷன் விலை ரொம்ப அதிகம். இவர்களை விட்டு ஒதுங்கி இருப்பது உங்கள் பணத்துக்கு நல்லது! Fidelity, E-trade போன்ற கம்பெனிகளையும் நான் உபயோகித்துள்ளேன், அவர்கள் பரவாயில்லை. நிறைய கம்பெனிகளில் கணக்கு வைத்திருந்தால் தலை சுற்றும் என்பதால் Brown & OptionsXpress கம்பெனிகளை மட்டும் நம்புகிறேன். (ஸ்டாக் மார்க்கெட்டில் சும்மாவே தலை சுற்றுகிறது!)

Sunday, October 09, 2005

அமெரிக்காவில் வீடு வாங்க சரியான நேரம்?

கடந்த 3 வருடங்களாக வீடு மார்க்கெட் அமெரிக்காவில் சக்கைபோடு போட்டுக் கொண்டிருந்தது, அதுவும் கலிபோர்னியாவைப் பற்றி கேட்கவே வேண்டாம். சான் டியாகோ நகரத்தில் 2002-ல் வாங்கிய வீடுகள் 2005-ல் இரண்டு மடங்கு மதிப்பாகி விட்டது, எனக்கு அந்த ஊரில் வேலை கிடைக்காமல் போய் விட்டது! நான் வசிக்கும் Bay area-ல் கூட விலை கூரையை பிய்த்துக் கொண்டு போனது.... கவனிக்க: "போனது"... நான் "போகின்றது" என்று சொல்லவில்லை...

வீடு விலை ஏற்றம் "Bubble" உடைக்கப் படும் நேரம் வந்து விட்டது. நான் எங்கு திரும்பினாலும் "வீடு விற்பனைக்கு" போர்டுகளை பார்க்க முடிகிறது. 5 மாதங்களுக்கு முன்னால் இந்த வீடுகள் 3 வாரத்தில் விற்கப் பட்டுக் கொண்டிருந்தன. இப்போது என் தெருவிலேயே 7 வீடுகள் 6 வாரங்களாக தங்கள் சொந்தக்காரரின் வருகையை எதிர்பார்த்து காத்துக் கொண்டிருக்கின்றன. என்னுடைய சிற்றறிவிற்கு எட்டிய இந்த விஷயம் wells fargo வங்கியில் உறுதி செய்யப்பட்டது. National Association of Home Builders/Wells Fargo Housing index 65க்கு விழுந்து விட்டது. கடந்த 2 வருடங்களில் இவ்வளவு கீழே இந்த குறியீடு போனதில்லை. எவ்வளவு வீடுகள் கட்டப்படுகின்றன, வெறும் நிலங்கள் எவ்வளவு வாங்கப்பட்டன, பழைய வீடுகள் எவ்வளவு நாட்கள் விற்கப்படாமல் மார்க்கெட்டில் உள்ளன என்பதையெல்லாம் பொருத்து இந்த index மாறுபடும்.

நீங்கள் இப்போது வீடு வாங்க விரும்பினால் இன்னும் கொஞ்ச காலம் பொறுத்திருந்தால், குறைந்த விலைக்கு வாங்கலாம். இப்போதே வாங்க வேண்டிய அவசரம் இருந்தால் கேட்கப்படும் விலைக்கு குறைவாகவே பேரம் பேசுங்கள். 99% நீங்கள் கேட்கும் விலைக்கு கிடைக்க வாய்ப்பிருக்கிறது.

Wednesday, October 05, 2005

தொல்லை தாங்கவில்லை

ஜூனியர் விகடனில் (Oct 9 issue) உமாபதி என்பவர் வெளி நாட்டில் வேலை பார்க்கும் இந்தியர்கள் தேசப்பற்று இல்லாதவர்கள் என்று பிதற்றியுள்ளார். எங்களுக்கு நம் ஊர் அரசியல்வாதிகளை விட நிறையவே தேசப்பற்று உள்ளது. நம் ஊரில் இந்த மாதிரி பிதற்றல்கள் ரொம்ப அதிகமாகி கொண்டே போகிறது. சில வருடங்களுக்கு முன்னால் எழுத்தாளர் சுஜாதா இப்படி தான் உளறினார், பிறகு அவர் மகன்களே அமெரிக்காவில் வேலை பார்க்க வந்து விட்டனர். ஊருக்கு மட்டும் உபதேசமா?

அப்படி என்ன எங்களுக்கு தேசப்பற்று குறைந்து விட்டது? திரைகடல் ஓடி திரவியம் காணுகிறோம். அதில் என்ன தப்பு? சி.ஐ.ஏ-வில் சேர்ந்து உமாபதியின் வீட்டில் உளவு பார்த்தோமா? அல்லது நம் ஊர் அரசியல்வாதிகள் போல் களவு செய்தோமா? நாட்டை கொள்ளையடித்து சிருதாவூரில் பங்களா கட்டினோமா? நம் நாட்டை சுரண்டும் தேசத்துரோகிகளை பற்றி எழுத உமாபதி போன்றவர்களுக்கு தெம்பு கிடையாது, பல ஆயிரம் மைல் தள்ளியிருக்கும் நம் மீது அவர் பேனா பாய்கிறது. இதில் வேடிக்கை என்னவென்றால், அமெரிக்காவில் நல்ல வேலை கிடைத்தால் அடுத்த விமானம் பிடித்து ஓடி வரக்கூடிய ஆள் தான் இந்த உமாபதி. அப்படியெல்லாம் எதுவும் நடக்காததால் இந்த வயித்தெரிச்சல் விகடனில் எழுத்தாக கொட்டுகின்றது.

நாம் எல்லாம் வெளி நாட்டினருக்கு கை கட்டி சேவகம் செய்கிறோமாம். சென்னையில் கால் சென்டரில் வேலை செய்பவர்கள் அமெரிக்க குடி மக்களுக்கு சேவை செய்யவில்லையா? TCS, Wipro, Infosys அத்தனை கம்பெனிகளும் எங்கிருந்து இவ்வளவு பணம் குமித்தன? வெளி நாட்டினருக்கு சேவை செய்துதானே? நிறைய அமெரிக்கர்கள் இன்போசிஸ் நிறுவனத்தில் வேலை செய்கிறார்கள், இந்த அமெரிக்கர்கள் இந்தியர்களுக்கு கைகட்டி சேவகம் செய்கிறார்களா? பிதற்றல்களுக்கு ஒரு அளவில்லையா??

Tuesday, October 04, 2005

இனி ஒரு நிதி செய்வோம்!

அன்புள்ள தமிழ் மக்களுக்கு,

வணக்கம். நான் அமெரிக்காவில் (கலிபோர்னியா) கடந்த 10 வருடங்களாக வசித்து வருகிறேன். தமிழில் blogs பார்க்கும் போது மனது சந்தோஷப்படுகிறது. நான் வங்கியில் பணி புரிகிறேன். தமிழில் நிதி பற்றி எந்த வலையையும் காணோம், நாம் செய்தால் என்ன என்று தோன்றியது. அதன் விளைவு தான் இது. சுரதாவுக்கு (suratha.com) மிக்க நன்றி – unicode பக்கத்தை உருவாக்கியதற்காக. அறிமுகம் போதும், வாருங்கள் கொஞ்சம் பணம் பண்ணுவோம்.

எனக்கு அமெரிக்க பொருளாதரமும் மார்க்கெட்டும் தான் அத்துப்படி. இந்தியாவை விட்டு வந்து 11 வருடங்களாகி விட்டன. கடந்த 52 வாரங்களில் இந்திய மார்க்கெட்டின் வளர்ச்சி பிரமிக்க வைக்கிறது, அதே சமயம் நிறையவே பயமுறுத்துகிறது. எனக்கு பரிச்சயமான மார்க்கெட்டைப் பற்றியே எழுதுகிறேன். இப்போதைக்கு எந்த மார்க்கெட்டில் காலை வைத்தாலும் ஜாக்கிரதை அவசியம். இதற்கு மேல் நான் எதுவும் எழுதுவதற்கு முன்னால், ஒரு Disclaimer: நான் யாருக்கும் அறிவுரை வ்ழங்கவில்லை. என்னுடைய எழுத்துக்களை உங்களுடைய ஆராய்ச்சிக்கு பயன்படுத்திக் கொள்ளுங்கள். ஆனால் அப்படியே பின்பற்றாதீர்கள். (அமெரிக்காவில் இந்த மாதிரி disclaimer கொடுக்கவில்லையென்றால் நம்மை மொட்டை அடித்து விடுவார்கள்!)

எனக்கு பிடித்த மார்க்கெட் எமர்ஜிங் மார்க்கெட். கடந்த 52 வாரங்களில் மட்டும் 60%க்கும் மேலாக லாபம் கொடுத்திருக்கிறது. இந்த லாபம் இன்னும் தொடருமா என்பது கேள்விக்குறியது. அமெரிக்காவில் வட்டி விகிதம் ரொம்ப எகிறாதவரை இந்த லாபம் தொடரும் என்பது என் கணக்கு. கீழ்க்கண்ட mutual funds வந்து அள்ளிக் கொள் என்று அழைக்கின்றன. இவை அனைத்தும் நல்ல படியாக நடத்தப்பட்டுள்ளன. No load funds. மேலும் விபரங்களுக்கு Yahoo Finance செல்லவும்.

TREMX
PRMSX
UMEMX
VEIEX
MEMEX
SSEMX

Related Posts Plugin for WordPress, Blogger...