Saturday, December 31, 2005

இந்தியாவில் வியாபாரம் செய்ய சில யோசனைகள்

மைக்ரோ கிரடிட் என்ற சமாசாரம் வளரும் நாடுகளில் "Hot topic" ஆகி விட்டது. உங்கள் கையில் கொஞ்சம் பணம் இருந்தால் இதில் இறங்கலாம். இந்த வியாபாரத்துக்கு வங்கியில் பணம் கடன் வாங்க முடியாது, ஏனென்றால் வங்கியே நீங்கள் தான்!

ஏழைகளுக்கு நியாயமான முறையில் கடன் வழங்கி அவர்கள் வாழ்க்கைத் தரத்தை உயர்த்துவது தான் மைக்ரோ கிரடிட்டின் வேலையே. இது வெறும் சமூக சேவை மட்டுமல்ல, லாபம் வரக்கூடிய நல்ல வியாபாரம் கூட. நீங்கள் போட்ட முதலீட்டுக்கு குறைந்தது 10% லாபம் கிடைக்கும். அது மட்டுமில்லாமல் நிறைய குடும்பங்களின் வாழ்க்கைத் தரத்தை உயர்த்திய புண்ணியமும் கிடைக்கும்.

வட்டிக்கு பணம் கொடுப்பதில் என்ன புண்ணியம் என்று டென்ஷனாவதற்கு முன்னால் இது முழுவதையும் படியுங்கள்!

நகரங்களில் வாழ்பவர்கள் புதிதாக வீடு வாங்க விரும்பினாலோ அல்லது 60" டிவி வாங்க விரும்பினாலோ அவர்களுக்கு கடன் கொடுக்க நிறைய பேர் இருக்கிறார்கள். காரைக்குடி பக்கத்தில் உள்ள குக்கிராமத்தில் இருக்கும் ஒரு விதவை பெண்மணி கோழிப்பண்ணை வைக்க விரும்பினால் அவருக்கு யார் கடன் கொடுப்பார்கள்? அந்த கிராமத்தில் இருக்கும் ஒரு ஏழை விவசாயி உரம் வாங்க கடன் கேட்டால் யார் கொடுப்பார்கள்? தப்பி தவறி கடன் கிடைத்தாலும் கந்து வட்டி தான். சொந்தமாக தொழில் தொடங்க ஆசைப்படும் ஏழைகளுக்கு உதவுவது தான் மைக்ரோ கிரடிட்டின் முக்கிய வேலையே. நியாயமான முறையில் வட்டி மற்றும் வாடிக்கையாளர்களை எடை போடும் திறமை இருந்தால் மைக்ரோ கிரடிட்டில் நீங்கள் ஜொலிக்கலாம்.

அன்றாடம் காய்ச்சிகளுக்கு கடன் கொடுத்து விட்டு கடனை வசூலிப்பதிற்குள் போதும் போதும் என்றாகி விடாதா? உண்மை என்னவென்றால் குக்கிராமங்களில் வசிக்கும் ஏழைகளில் பெரும்பாலானவர்கள் நாணயமானவர்கள், பழிச்சொல்லுக்கு
அஞ்சுபவர்கள். அதற்காக கடன் கேட்பவர்களுக்கு எல்லாம் கடன் கொடுத்து விட முடியாது, அப்படி செய்தால் தலையில் மொட்டை தான்.

முதலில் உங்களுக்கு பரிச்சயமான கிராமத்தில் மைக்ரோ கிரடிட்டை ஆரம்பிக்க வேண்டும். பெண்களுக்கு மட்டும் கடன் கொடுக்க
ஆரம்பியுங்கள். ஆண்களுக்கு கொடுக்கும் பணம் சாராயக் கடை கல்லாவில் போய் விழும். (குக்கிராமங்களில் உள்ள ஆண்கள் இந்த பதிவை படிக்க மாட்டார்கள் என்ற தைரியத்தில் எழுதுகிறேன்). ஒரு கிராமத்தில் 10 பெண்களுக்கு கடன் தேவை என்று வைத்துக் கொள்வோம். இவர்களுக்கு லட்சக்கணக்கில் கடன் தேவைப்படாது. ஒருவருக்கு மீன் வலை வாங்க 5000 ரூபாய் தேவைப்படும், ஒருவருக்கு பசு மாடு வாங்க 20,000 ரூபாய் தேவைப்படும். இந்த 10 பெண்களையும் இரு பிரிவாக பிரிக்க வேண்டும்.

ஒவ்வொரு பிரிவுக்கும் அந்த பிரிவிலிருந்து ஒரு லீடரை நியமிக்க வேண்டும். வாரத்துக்கு ஒரு முறையோ அல்லது மாதத்துக்கு ஒரு முறையோ இந்த தொழிலதிபர்கள் தான் வாங்கிய கடனுக்கு வட்டி + அசலில் சிறிய தொகையை உங்களுக்கு திரும்பி தந்து விடுவார்கள். தான் வாங்கிய கடன் தொகையை பொறுத்து மொத்த கடனையும் சில
மாதங்களிலோ அல்லது ஒரு வருடத்திலோ அடைத்து விடுவார்கள். தவணை முறையில் கடனை திரும்ப அடைப்பதில் யாராவது பின்தங்கினால் அதை சமாளிப்பது பிரிவு லீடரின் வேலை. தன் தெருவில் இருக்கும் முனியம்மா லீடர் தன்னைப் பற்றி கேவலமாக பேசக்கூடாதே என்ற எண்ணமே ஏமாற்றும் எண்ணத்தை தவிர்த்து விடும். தன்னால் தான் சேர்ந்த பிரிவுக்கு அசிங்கம் வரக்கூடாது என்ற எண்ணமும் உங்கள் முதலீட்டை காப்பாற்றும்.

மைக்ரோ கிரடிட்டில் வெற்றி பெற நீங்கள் முதலில் தெரிந்து கொள்ள வேண்டிய விஷயம் -- வாங்கிய பணத்தை திரும்ப கொடுக்கும் திறமை யாருக்கு உள்ளது என்பதை அறிந்து கொள்ளும் திறமை. தன் சொந்த செலவுக்கு கடன் வாங்குபவர்களுக்கு கடன் கொடுத்தால் பெரும்பாலான பணம் திரும்ப வராது. தன் திறமையையும் உழைப்பையும் நம்பி இறங்குபவர்களுக்கு கடன் கொடுப்பது தான் உங்களுக்கும் நல்லது. அவர்களுக்கும் நல்லது.

நீங்கள் கடன் கொடுப்பவர்களில் 90% மக்கள் மட்டும் கடனை திரும்ப கொடுத்தால் கூட உங்களுக்கு லாபம் வரும். மைக்ரோ கிரடிட் உங்களால் வெற்றிகரமாக செய்ய முடிந்தால் இன்சூரன்ஸ் போன்ற பொருட்களையும் வாடிக்கையாளர்களுக்கு விற்கலாம். இந்தியாவில் ஏற்கனவே நிறைய பேர் மைக்ரோ கிரடிட் கொடுக்கிறார்கள். சில நிறுவனங்களின் லிங்குகள் கீழே...

http://www.sksindia.com/
http://www.sa-dhan.org/

அமெரிக்காவில் உட்கார்ந்து கொண்டு இந்த ஆள் ஏதோ அளக்கிறான் என்று நீங்கள் நினைத்தால் அதில் தப்பில்லை! கொஞ்சம் Skeptic ஆக இருப்பது நல்லது தான். பங்களாதேஷ் போன்ற நாடுகளிலேயே மைக்ரோ கிரடிட் பிரமாத வெற்றி பெற்று விட்டது. இந்தியாவில் நல்ல வெற்றி பெறும். பங்களாதேஷ் நாட்டின் கிராமீன் வங்கியின் உயர் அதிகாரி முகமது யூனுஸ் தான் மைக்ரோ கிரடிட்டின் ஹீரோ. Nightly Business Report என்ற அமெரிக்க தொலைக்காட்சி நிகழ்ச்சி கடந்த 25 வருடங்களில் முக்கியமான 25 நபர்களில் ஒருவராக (25 most influential business people of the last 25 years) முகமது யூனுஸை தேர்ந்தெடுத்துள்ளது. அவர் தொலைக்காட்சிக்கு அளித்த பேட்டியை இங்கு படிக்கலாம். அந்த பேட்டி முழுவதையும் தமிழில் மொழி பெயர்க்க நேரமில்லை. அந்த பேட்டியில் எனக்கு பிடித்த சில வார்த்தைகளை மட்டும் மொழி பெயர்த்துள்ளேன்.

"ஏழைகள் போன்சாய் (ஜப்பானிய மரவகை) மரத்தை போன்றவர்கள். நன்றாக செழிப்புடன் உள்ள விதையை எடுத்து அதை சின்ன தொட்டியில் வைத்து வளர்க்கிறோம். அந்த விதை நல்ல நிலத்தில் வளர்ந்தால் அது பெரிய மரமாக வளரும். ஒரு சின்ன தொட்டியில் போன்சாயாக வளர்த்தால் அது சின்ன மரமாக தான் வரும். விதையின் மேல் தப்பில்லை. அந்த விதையை சின்ன தொட்டியில் விதைத்த இந்த சமூகத்தின் மேல் தான் தவறு"

தமிழ் அன்பர்கள் அனைவருக்கும் புத்தாண்டு வாழ்த்துக்கள்!

திரு. முகமது யூனுஸின் தொலைக்காட்சி இன்டர்வியூ

"இந்தியாவில் வியாபாரம் செய்ய சில யோசனைகள்" என்ற பதிவை சார்ந்த பதிவு இது. இந்த இன்டர்வியூ கொஞ்சம் நீளமாக இருப்பதால் தனிப்பதிவாக கொடுத்துள்ளேன்.

NBR: You have been credited with inventing the microcredit movement more than 30 years ago. Why did you go in that direction?

Yunus: I had no idea that I would ever get involved with something like lending money to poor people, given the circumstances in which I was working in Bangladesh. I was teaching in one of the universities while the country was suffering from a severe famine. People were dying of hunger, and I felt very helpless. As an economist, I had no tool in my tool box to fix that kind of situation.

NBR: So what gave you the idea to give people tools?

Yunus: While I traveled around the country, I told myself, 'As a person, forget about the tool box. As a human being, I can go out and be available to help another person.' So that's what I started doing. This was back in 1974. I saw how people suffered for a tiny amount of money. They had to borrow from the moneylender, and the moneylender took advantage of them, squeezed them in a way that all the benefits passed on to the moneylender and none remained for the borrowers. So I made a list of people who needed just a little bit of money. And when the list was complete, there were 42 names. The total amount of money they needed was $27. I was shocked. Here we were talking about economic development, about investing billions of dollars in various programs, and I could see it wasn't billions of dollars people needed right away. They needed a tiny amount of money. This was in 1976.

NBR: I understand some of the money was for a bamboo furniture maker?

Yunus: That's right. She was making bamboo stools and earning only two pennies a day. I couldn't believe that someone could make only two pennies for crafting such beautiful stools. After a discussion with her I found out she had to borrow money to buy the bamboo, which cost only 25 cents. But she didn't have the 25 cents. So she had to borrow it from the trader, who agreed to lend it to her on the condition that she sell the bamboo stool to him when it was finished at a price that he decided.

NBR: So how was your plan different?

Yunus: I wanted to give money to people like this woman so that they would be free from the moneylenders to sell their product at the price which the markets gave them -- which was much higher than what the trader was giving them.

NBR: But even then you charged interest.

Yunus: Oh yes ... Definitely, yes.

NBR: And why is that? What was the thinking?

Yunus: I thought if you do things in a businesslike way, then the project can become as big as you want it to because you are earning enough money to cover all your costs. You are not dependent on anybody. You are not dependent on a limited supply of capital. This is business money. Business money is limitless. And then, you can reach out to many more people than you would otherwise do.

NBR: So this is not charity?

Yunus: This is not charity. This is business: business with a social objective, which is to help people get out of poverty. Other banks were not giving loans to these people.

NBR: So how did you get from that first $27 to working with Grameen Bank and expanding this around the globe?

Yunus: The villagers got very excited that I gave them the money. To them, it was like a miracle. Seeing this, a question came to my mind. If you can make so many people so happy with such a small amount of money, why shouldn't you do more of it? Why shouldn't you reach out to many more people? I could do this by linking these people with a bank that could lend them the money. So I went to the bank and proposed that they lend money to the poor people. The bankers almost fell over. They couldn't believe what had been proposed to them. They explained to me that the bank cannot lend money to poor people because these people are not creditworthy. So a long series of debates began with me and the banking system. Finally, I resolved it after about six months by offering myself as a guarantor. I said, 'I will sign the loan papers. I will take the risk, and you give the money.' I got the money and gave it to the people. And luckily for me, all the people paid it back. The banks had been saying that I would never get the money back and would ultimately have to pay it back myself. I said, 'I don't know anything. Let me try it out.' And I tried it, and it worked.

NBR: Has it continued to work?

Yunus: Yes, and we expanded it from village to village. But we still saw that the banks weren't changing their minds even after I had demonstrated that there was no risk to the process, that banks could do better by giving money to poor people, who were paying it back, than to rich people, who were not paying it back.

NBR: Poor people were paying the money back [more reliably] than rich people?

Yunus: Much better than rich people. Because Bangladesh has a tradition of rich people who borrow money from the big banks and hardly pay it back.

NBR: That's pretty startling.

Yunus: Very startling, yes.

NBR: You have said that you loaned primarily to women. Why is that?

Yunus: It has to do with the decision to have a separate bank for the poor people. From the beginning, I had complained about the banking system on two grounds. One complaint was that the banking system was denying financial services to the poor people through certain rules it had set up. The second allegation was that the banking system also was not treating women fairly. If you look at the gender composition of all the borrowers of all the banks in Bangladesh, not even 1% of the borrowers happen to be women. I said this is a very gender-biased organization. So when I began, I wanted to make sure half the borrowers in my program are women so that they are even. I did that. It was not easy because women themselves didn't think that they should borrow money. I had to do a lot of convincing. I encouraged them to believe that they can borrow money and make money. Part of that effort was to overcome fears -- cultural fears -- and the fact that they had never had any experience with business and so on. Soon we saw that money going to women brought much more benefit to the family than money going to the men. So we changed our policy and gave a high priority to women. As a result, now 96% of our four million borrowers in Grameen Bank are women.

NBR: So you say you have four million borrowers. How much money over time have you loaned out?

Yunus: If we start with that $27, and you add on all the money that we have loaned, it's nearly $5 billion that we have given over time. Now we have come to a stage where every two years we are giving $1 billion. So half a billion dollars a year. That's the stage we are in.

NBR: And this keeps funding itself because of the interest that's being paid?

Yunus: That's right. We take the deposits and we offer the depositors good interest rates. The
money we lend to the borrowers makes a profit for the bank.

NBR: While people say that your program works well, some also say that it tends to focus on the top tier of poor people. How do you respond to that -- the criticism that it doesn't get to the people who really need such basic things as food and shelter?

Yunus: Grameen Bank helps poor people of all classes, of all types. Bottom, middle, and higher levels. Our work started with $27 to 42 people. Although we say we can work with all levels, and Grameen Bank is an example, still people don't pay attention to what we do. They just say, 'Oh no. Microcredit. It's not doing the right thing, focusing only on the upper level of poor people.' So last year we started to focus on the beggars. Our argument is you can't be poorer than beggars. That's the last stage of your survival. You go around and beg for food, collect rice, cook it at home and then eat. That's your daily survival ration. So we are interested in them. We are saying, 'Look, as you go house to house, would you carry some merchandise with you -- some cookies, candies, toys for the kids and so on -- to sell?' People love that. We thought initially we would have 4,000 to 5,000 borrowers in that program, but as the year ended we had more than 26,000 beggars. They are very happy because they have seen that when they go to houses which have never opened their front door to them, that door is now open. The beggars show their merchandise and they are given a stool to sit on, which they never had before. The beggars not only sell but also get respect from the families.

NBR: We have recently seen elections in Iraq for the first time. Self determination is the hope there. In a sense, is that what your program does? It changes people?

Yunus: Definitely. Actually, if you look at it one way, the microcredit we give to the women is a tool to explore one's self, how much capacity that is stored up inside: 'I never knew that I had the capacity. That creativity. That ingenuity. To make money to express myself. So that money gives, for the first time, an occasion for me to find out how much I can do.' When you were successful in the first round, when you took tiny amounts -- $30, $35 -- and went into business and paid back the loan, you are now much more equipped to do better. Bigger. So you ask for a $50 loan, a $60 loan, because you think you can do bigger business and more challenging business than when you first took out an easy loan.

NBR: It gives you that self confidence.

Yunus: That self confidence. And if you go through 10 rounds and 15 rounds you are ready for a much bigger challenge than you thought. We introduced information technology into the system. We created a cell phone company called Grameen Phone and brought the phone into the villages of Bangladesh. We gave loans to the borrowers to buy a cell phone and start selling phone service. It became a growing business. Now that they are already confident business women, they can very easily come into a business which they never heard of before. They never saw a telephone in their life but they accepted it as a business idea, and there are now more than 100,000 telephone ladies all over Bangladesh doing good business and connecting Bangladesh with the rest of the world.

NBR: Do they use the telephone in their business, or is this a business itself?

Yunus: It's a business itself. If I have a phone, since nobody else has a phone, they have to come to me to use it. They make a call and pay. It's like a public telephone call office. The owner of the phone becomes a one-person public phone office.

NBR: So it's the newest technology for people who have never had a telephone or anything like that.

Yunus: That's right. People complain that microcredit will let these women raise only chickens and cows and nothing else, that they are always stuck with primitive technology and don't have the capacity to move up to a new technology. So this is again a demonstration. Give them a chance to pick up state-of-the-art technology.

NBR: And your program has gone beyond Bangladesh? Are you everywhere in the world?

Yunus: To our knowledge, our program is running in more than 100 countries, some in a big way, some in a small way. And more and more countries are joining in each year, each day.

NBR: Africa is one area of interest. Have there been any special, noteworthy cultural issues there one way or the other?

Yunus: There are cultural issues everywhere -- in Bangladesh, Latin America, Africa, wherever you go. But somehow when we talk about cultural differences, we magnify those differences. To me, after all this experience, I see there are 95% common things in culture, only 5% differences. The human culture is the basic culture. Finding ways to improve people's lives may take different shapes, but it's still the same urge to improve your family, to care for your children, to have a decent life for yourself and so on. So those cultures are common cultures, as is the culture of poverty, deprivation and lack of opportunity. So we create a new culture of confidence and self dignity by [building] businesses that are not at the mercy of anybody. They are equal partners: the bank and the people. They are in business in equal partnership.

NBR: They are both taking a risk.

Yunus: They are both taking a risk and doing business together.

NBR: The focus of this series of interviews is greatest challenges. What would you say your greatest challenge has been?

Yunus: My greatest challenge has been to change the mindset of people. Mindsets play strange tricks on us. We see things the way our minds have instructed our eyes to see. We think the way our minds have instructed our minds to think. We are familiar with one way of thinking. Most of it comes during our academic years, during our student years. The teachers we had, the books we read -- they made up our mindset, and ever since we are stuck with that. We cannot break through this. If you are a successful student in a university, actually you become the 'mini' of the professor whom you liked and admired most ... So that's what mindset does. When you bring in a new thought, you are in conflict with those old thoughts. You struggle, but the old thoughts still prevail because the mindset is so strong. It would be good if we could have an educational system, a learning process, where we could retain our originality and at the same time accumulate insight and never become a mini professor, but remain ourselves and still absorb different views. Yet institutions have their own mindsets, and it's very difficult to penetrate and change them. So changing has to be done faster. It's a faster world -- particularly in the 21st century -- but human minds, our academic system, make change slow. So this has been the hardest challenge that I have faced along the way.

NBR: So you want change to be at a faster speed?

Yunus: Absolutely. Yes.

NBR: You were among the 25 most influential individuals that the Wharton School and Nightly Business Report selected for this series. In a sense, you are unique on that list. How do you see yourself among that group?

Yunus: I was very surprised. I didn't think I was at that level. These are the people who are admired all over the world, who have accomplished so much. Seeing that I was one of the 25, I was really inspired and overwhelmed. But in a way, if I look back, this is recognition of the importance of financial services to the poorest people. This is what you recognized. Today, if you look at financial systems around the globe, more than half the population of the world -- out of six billion people, more than three billion -- do not qualify to take out a loan from a bank. This is a shame. What kind of institutions have we built that cannot afford to extend their services to the majority of the people?

NBR: And finally, what is your vision for the future?

Yunus: My vision for the future? Two things: to make credit a human right so that each individual human being will have the opportunity to take loans and implement his or her ideas so that self-exploration becomes possible. And second: that it will lead to a world where nobody has to suffer from poverty -- a world completely free from poverty. Not a single human being will suffer from the misery and indignity of poverty. Poverty is unnecessary. The human being is quite capable of taking care of himself or herself. But we have created a society that does not allow opportunities for those people to take care of themselves because we have denied them those opportunities. I have described poor people as like a bonsai -- that little tree that grows in a flower pot. I said you pick the best seed of the tallest tree in the forest, and plant it in a flower pot, and it will grow into a tiny tree. Is there anything wrong with the seed? Nothing is wrong with the seed. It's the best seed. Then why is it tiny? Because you planted it in a flower pot. You didn't allow it to grow in the real soil. The poor people are the bonsai people. Society has not allowed them the real soil. If you allow them the real soil, real opportunities, they will grow as tall as everybody else.

NBR: What has happened to those furniture makers that you first loaned $27 to?

Yunus: They have changed. All of Bangladesh has changed if you look from the bottom up. In general, you see Bangladesh is still a poor country and so on. But empowerment has come to the women of Bangladesh -- even the poorest women in Bangladesh. It's tremendous. It's a dramatic change that has taken place. Women have access to money. They can now plan. They can now dream. Their children are in school. Many of them are going into higher education through Grameen Bank financing. New communities are emerging. A new generation is emerging. New technology has been brought in -- information technology, mobile phones, and so on -- in a country where 70% of the people have no access to electricity. We brought solar energy -- self-contained electricity -- and connected it to the mobile phones. We try to address all that. Housing has been brought in, and new infrastructure. The economy as a whole has changed. People are creating their own jobs. They are not waiting for anybody else to hire them.
NBR: And this program has been working in the United States?

Yunus: Yes in the United States, Canada, in England, in France, in Norway. Rich countries, poor countries -- the problem remains the same.

Friday, December 30, 2005

நம்பர்கள் மாறினால் தலையெழுத்து மாறுமா?

ஜப்பானில் உள்ள பெரிய தரகர் நிறுவனம் மிஷுவோ செக்யூரிட்டீஸ். டிசம்பர் 9ம் தேதி அன்று புதிதாக J-Com என்ற நிறுவனம் பங்குகளை ஜப்பான் சந்தையில் வெளியிட்டது. மிஷுவோ தரகர் நிறுவனத்தில் வேலை பார்க்கும் தரகர் J-Com நிறுவனத்தின் ஒரு பங்கை 610,000 யென்னுக்கு (Rs. 2,27,000) விற்க தன் கம்ப்யூட்டரில் ஆர்டர் செய்திருக்கிறார். இந்த ஒரு ஆர்டரினால் ஜப்பான் பங்கு சந்தையே அந்த ஒரு நாளில் ஆட்டம் கண்டு விட்டது.

ஒரு பங்கை 610,000 யென்னுக்கு விற்க வேண்டும் என்று ஆர்டர் போடுவதற்கு பதிலாக 610,000 பங்குகளை ஒரு யென்னுக்கு விற்க வேண்டும் என்று இந்த தரகர் ஆர்டர் போட்டு விட்டார்! அது தான் பெரிய பிரச்னை ஆகி விட்டது.

இந்த பிரச்னையால் மிஷுவோ நிறுவனத்துக்கு ஏற்பட்ட நஷ்டம் 1012 கோடி. ஜப்பான் பங்கு சந்தையின் பெயர் கெட்டு விட்டது. ஜப்பான் நிதி அமைச்சகம் ஏகப்பட்ட டென்ஷனாகி விட்டது. இந்த கலாட்டா நடந்த சில நாட்களில் ஜப்பான் பங்கு சந்தையின் உயர் அதிகாரி ராஜினாமா செய்து விட்டார்.

இப்போது சொல்லுங்கள்... நம்பர் மாறினால் தலையெழுத்து மாறுமா, மாறாதா?!

Sunday, December 25, 2005

தங்கமே தங்கம்!

தங்கம் விலை கூரையை பிய்த்துக் கொண்டு போய்கிறது! இந்த நேரத்தில் தங்கத்தில் முதலீடு செய்யலாமா?

இன்னும் ஒரு வருடத்தில் விற்று லாபம் பார்ப்பதற்காக வாங்கினால் அது கொஞ்சம் ரிஸ்க்கான சமாசாரம் தான். 2006 இறுதிக்குள் இன்னும் 5% விலை ஏறும் என்று எதிர்பார்க்கப் படுகிறது. முதலில் தங்கம் விலை ஏன் அதிகமாகிறது என்பதை பார்ப்போம்.

1. நம் நாட்டிலும் சீனாவிலும் நடுத்தர மக்களின் வாழ்க்கை தரம் உயர்ந்து கொண்டு போகிறது. இரண்டு நாடுகளிலும் தங்கம் ஒரு கௌரவ அடையாளம். தங்கள் வாழ்க்கை தரம் மாறியதை மற்றவர்களுக்கு காண்பிக்க தங்கம் பயன்படுகிறது.

2. அமெரிக்க டாலரின் மதிப்பு குறையும் என்று நிறைய பேர் எதிர்பார்க்கிறார்கள். டாலர் விலை குறைந்தால் தங்கத்தில் முதலீடு செய்பவர்கள் எண்ணிக்கை அதிகமாகும். அதனால் தங்கத்தின் demand அதிகமாகும், அதன் விளைவாக தங்கத்தின் விலை கூடும்.

3. மேலே சொன்ன காரணங்களுக்காக Hedge Fund நடத்துபவர்களில் பெரும்பாலானவர்கள் தங்கத்தின் மேல் மோகம் கொண்டு அலைகிறார்கள்.

தங்கத்தில் லாபம் பார்ப்பதற்காக அதை நீங்கள் வாங்குவதாக இருந்தால் உங்களின் மொத்த முதலீட்டில் 5% - 10% பணத்தை மட்டும் தங்கத்தில் முதலீடு செய்யுங்கள். தங்கம், சில்வர், காப்பர் மற்றும் பல உலோகங்களில் முதலீடு செய்யும் பரஸ்பர நிதிகளில் முதலீடு செய்வது இன்னும் பாதுகாப்பானது. தங்கத்தின் விலை சரிந்தாலும் மற்ற உலோகங்கள் Hedge போல இருந்து மொத்த முதலீட்டையும் காப்பாற்றும்.

அமெரிக்க சந்தையில் உங்களால் முதலீடு செய்ய முடிந்தால் கீழ்க்கண்ட பரஸ்பர நிதிகள் உதவும்.

Vanguard Precious Metals and Mining (VGPMX)
USAA Precious Metals and Minerals (USAGX)

Sunday, December 18, 2005

ஆப்ஷன் - பாகம் 7 (கடைசி பாகம்)

பாகம் 1 பாகம் 2 பாகம் 3 பாகம் 4 பாகம் 5 பாகம் 6


இந்திய பங்கு சந்தையில் ஆப்ஷன் விலைகள் பற்றி பயனுள்ள விபரங்களை தந்த R. ஜான் கிறிஸ்டிக்கு நன்றி! பாகம் 6-ன் பின்னூட்டத்தில் இந்திய சந்தையைப் பற்றிய விபரங்களை ஜான் எழுதியிருந்தார். இந்த பாகத்தில் இந்திய சந்தையில் விற்கும் ஆப்ஷன்களை உதாரணமாக காட்டியுள்ளேன்.

அமெரிக்க சந்தையில் ஒரு ஆப்ஷன் ஒப்பந்தம் 100 பங்குகளை கட்டுப்படுத்தும். ஆனால் இந்திய சந்தையில் ஒரு ஆப்ஷன் ஒப்பந்தம் கட்டுப்படுத்தும் பங்குகளின் எண்ணிக்கை பங்குகளின் விலையை பொறுத்து மாறுகிறது. சுலபமாக விளக்குவதற்காக இந்திய சந்தையிலும் ஒரு ஆப்ஷன் ஒப்பந்தம் 100 பங்குகளை மட்டும் கட்டுப்படுத்துவதாக வைத்துக் கொள்வோம். உதாரணமாக ACC ஆப்ஷன் ஒப்பந்தம் ஒன்று 750 பங்குகளை கட்டுப்படுத்துகிறது, ஆனால் இது 100 பங்குகளை மட்டுமே கட்டுப்படுத்துவதாக வைத்துக் கொள்ளலாம். Just for consistency. அமெரிக்க சந்தையில் ஆப்ஷன்கள் மூன்றாவது வெள்ளியன்று காலாவதியாகும். இந்திய சந்தையில் கடைசி வியாழன்று பங்கின் ஆப்ஷன்கள் காலாவதியாகின்றது.




ஆப்ஷன் ஒரு அருமையான விஷயம். விபரம் தெரியாமல் காலை விட்டால் சில சமயம் இது விஷமாகவும் மாறி விடும். ஒரு குறிப்பிட்ட பங்கின் விலை மேலே போகும் என்ற தீவிர நம்பிக்கையில் தான் நிறைய பேர் Call ஆப்ஷன்களை வாங்குகிறார்கள். அதே போல பங்குகளின் விலை சரிய போகிறது, அதன் மூலம் லாபம் பார்க்கலாம் என்ற நம்பிக்கையில் Put ஆப்ஷன்களை வாங்குகிறார்கள். தான் வைத்திருக்கும் பங்குகளை பாதுகாப்பதற்காக Put ஆப்ஷன்களை வாங்குபவர்களை விட விலை சரிவின் மூலம் லாபம் சம்பாதிக்கலாம் என்ற எண்ணத்தில் Put ஆப்ஷன்களை வாங்குபவர்கள் தான் அதிகம்.

இப்படி Call ஆப்ஷன்களையும் Put ஆப்ஷன்களையும் வாங்குபவர்களின் கணிப்பு தவறி விட்டால் நிறைய நஷ்டம் ஏற்படும். ஆப்ஷன்களை முறைப்படி பயன்படுத்தினால் நஷ்டங்களை குறைத்து லாபத்தை அதிகப்படுத்தலாம். சிறு முதலீட்டாளர்கள் குறுகிய காலத்தில் நிறைய பணம் சம்பாதிக்க ஆசைப்பட்டு கையிலிருக்கும் முதலையும் இழந்து விடுவார்கள்.

அனுபவமுள்ள டிரேடர்கள் Spread என்ற சிறந்த உத்தியை பயன்படுத்தி தன் கணிப்பு தவறினாலும் பணத்தை பாதுகாத்துக் கொள்கிறார்கள்.

பொதுவாக பங்குகள் விலை உயரும் என்று நம்புவர்களை Bull என்றும் விலை சரியும் என்று நம்புவர்களை Bear என்றும் சொல்வார்கள். பங்குகள் விலை உயரும் அல்லது பங்குகள் விலை நிச்சயமாக கீழே விழப்போவதில்லை என்று நம்புவர்கள் Bull Put Spread என்ற உத்தியை கையாண்டால் லாபம் சம்பாதிக்கலாம்.

Bull Put Spread:

Bull Put Spread-ல் ஒரு குறிப்பிட்ட விலைக்கு Put ஆப்ஷன்களை விற்றுவிட்டு அதை விட குறைந்த விலைக்கு Put ஆப்ஷன்களை வாங்க வேண்டும். இதன் மூலம் கணிசமான லாபம் பார்க்கலாம்.

ஒரு உதாரணம்.

ACC நிறுவனத்தின் பங்குகளின் விலை Rs. 536
டிசம்பர் 29, 2005க்கான Rs. 540 Put ஆப்ஷனின் விலை Rs. 12.25
டிசம்பர் 29, 2005க்கான Rs. 530 Put ஆப்ஷனின் விலை Rs. 6.30

Rs. 540 Put ஆப்ஷன்கள் 10 ஒப்பந்தங்களை நான் விற்பதாக வைத்துக் கொள்வோம். எனக்கு கிடைக்கும் வருமானம் = 10 * Rs.12.25 = Rs. 12250.
(ஒரு பங்குக்கான ஆப்ஷன் விலை Rs. 12.25, ஒரு ஒப்பந்தத்தில் 100 பங்குகள், அதனால் ஒரு ஒப்பந்தத்துக்கு Rs. 1225 வருமானம்)

இந்த Put ஒப்பந்தங்களை விற்ற கையோடு டிசம்பர் 29, 2005 Rs. 530க்கான Put ஒப்பந்தங்கள் பத்தை நான் வாங்குவதாக வைத்துக் கொள்ளுங்கள். இதற்கு நான் கொடுக்க வேண்டிய விலை = 10 * Rs.6.30 = Rs. 6300.

Rs. 540 Put விற்றதில் கிடைத்த வருமானம் Rs. 12250
Rs. 530 Put வாங்கியதற்காக கொடுத்த விலை Rs. 6300
என்னுடைய லாபம் = 12250 - 6300 = Rs. 5950

ACC பங்குகள் இறக்கை கட்டி பறக்க வேண்டும் என்ற அவசியமில்லை. டிசம்பர் 29, 2005 அன்று ACC நிறுவனத்தின் பங்குகள் Rs. 540க்கு குறையாமல் இருந்தாலே எனக்கு Rs. 5950 லாபம்.

ஒரு வேளை ACC பங்குகள் விலை Rs. 530க்கு கீழே சரிந்து விட்டால் என்னுடைய அதிக பட்ச நஷ்டம் Rs. 4050 மட்டும் தான். கொஞ்சம் விபரமாக பார்ப்போம்.

Rs. 540 Put விற்றேன், அதே சமயத்தில் Rs. 530 Put வாங்கி விட்டேன். பத்து ஒப்பந்தங்கள் விற்று / வாங்கியிருக்கிறேன். Rs. 540 Put ஆப்ஷன்களை என்னிடமிருந்து வாங்கியவர் அதை exercise செய்தால் நான் அவரிடமிருந்து ACC பங்குகள் ஆயிரத்தை Rs. 540 விலைக்கு வாங்க வேண்டும். அப்படி ஒரு நிலைமை ஏற்பட்டால் நான் உடனே என்னிடம் உள்ள Rs. 530 Put ஆப்ஷனை exercise செய்து விடுவேன். எனக்கு Rs. 530 Put ஆப்ஷனை விற்றவர் என்னிடம் உள்ள ஆயிரம் ACC பங்குகளை ஒரு பங்கு Rs. 530க்கு வாங்க வேண்டிய கட்டாயத்துக்கு தள்ளப்படுவார்.

Rs. 5,40,000க்கு பங்குகளை வாங்கி Rs. 5,30,000க்கு விற்க வேண்டியிருக்கும், அதனால் Rs.10,000 நஷ்டம். Bull Put Spread செய்ததில் எனக்கு கிடைத்த லாபம் Rs. 5950. அதனால் என்னுடைய மொத்த நஷ்டம் 10000 - 5950 = Rs. 4050.

ACC பங்குகள் சரிந்து Rs. 10க்கு விற்றால் கூட என்னுடைய அதிக பட்ச நஷ்டம் Rs. 4050 மட்டும் தான். இந்த ட்ரேடை Spread செய்யாமல் Rs. 540 Put ஆப்ஷனை மட்டும் விற்றிருந்தாலோ அல்லது ஆயிரம் பங்குகளை Rs. 5,40,000க்கு வாங்கியிருந்தாலோ என்னுடைய நஷ்டம் எக்கச்சக்கமாயிருக்கும். ACC பங்குகள் Rs.10க்கு சரிந்தால் தலையில் துண்டு போட்டுக் கொள்ள வேண்டியது தான். இந்த ட்ரேடில் என்னுடைய அதிக பட்ச லாபம் Rs. 5950, அதிக பட்ச நஷ்டம் Rs. 4050.

லாபம், நஷ்டம் இரண்டும் கட்டுப்படுத்தப் பட்டுள்ளது. Spread-ல் மிக அதிக லாபம் பார்க்க முடியாது. அதே சமயத்தில் மிக அதிக நஷ்டமும் ஆகாது. கொஞ்சம் கொஞ்சமாக நிறைய பணம் சம்பாதிக்கலாம்.

Spread செய்வதில் நிறைய பலன்கள் உள்ளன.

1. பங்குகளை வாங்குவதற்கு போட வேண்டிய முதலை விட Spread செய்வதற்குள்ள முதல் மிக குறைவு. மேலே கண்ட உதாரணத்தில் Strike price-க்களுக்கு உள்ள வித்தியாசம் Rs. 10000 மட்டும் தான் மார்ஜினில் கொடுக்க வேண்டியிருக்கும்.

2. Put/Call ஆப்ஷன்களை விற்க அனுமதிக்காத தரகர்கள் கூட Spread செய்ய அனுமதிப்பார்கள்.

3. டிசம்பர் 29 அன்று ACC பங்குகள் 540க்கு மேலே விற்றால் நான் செய்த Bull Put Spread தானாகவே முடிந்து விடும். நான் விற்ற ஆப்ஷன்களை திரும்ப வாங்க வேண்டிய அவசியமில்லை. அதனால் தரகர் கமிஷனும் மிச்சம்.

4. எல்லாவற்றுக்கும் மேலாக நஷ்டங்களுக்கு நாமே எல்லை வகுத்து விடலாம்.

சில பிரச்னைகளும் உள்ளது. பிரச்னைகள் இல்லாமல் ஒரு முதலீடா?!

1. ACC பங்கின் விலை Rs. 540க்கும் Rs. 530க்கும் இடையில் இருந்தால் விலையை பொறுத்து நஷ்டம் ஏற்படும். எப்படியிருந்தாலும் நஷ்டம் Rs. 4050க்கு மேலே இருக்காது.

2. என்னிடமிருந்து Rs. 540 Put வாங்கியவர் அதை டிசம்பர் 29க்கு முன்பே exercise செய்து விட்டால் கஷ்டமாகி விடும். இந்த Spread-ஐ திரும்ப வாங்கும் நிலைமை ஆகி விடும். Rs. 540 Put ஆப்ஷனை வாங்கி Rs. 530 Put ஆப்ஷனை விற்று இந்த Spread ட்ரேடை முடிக்க வேண்டியிருக்கும்.


படங்கள் உதவி: Optionsxpress.com, Cartoonbank.com


நவம்பர் 15 அன்று நான் ஆப்பிள் நிறுவன பங்குகளில் December $55/$50 Bull Put Spread செய்திருந்தேன். டிசம்பர் 16 அன்று ஆப்பிள் பங்குகள் $71க்கு விற்றது. அதனால் என்னுடைய Spread-ல் கிடைத்த லாபம் $300. நான் Bull Put Spread செய்யும் போது ஆப்பிள் பங்குகளின் விலை $60+. இந்த பங்குகள் அந்த விலையிலிருந்து $71 விலைக்கு உயராமல் $60 விலையிலே இருந்திருந்தால் கூட எனக்கு லாபம் தான். Bull Put Spread-ல் உள்ள பெரிய சௌகரியம் அது. பங்குகளின் விலை ஆடாமல் அசையாமல் இருந்தாலும் லாபம் சம்பாதிக்கலாம்!

ACC பங்குகள் கீழே விழும் என்று நம்புவர்கள் Bear Put Spread என்ற உத்தியை கையாளலாம். Bull Put Spread-ல் செய்ததை அப்படியே உல்டா செய்தால் அது Bear Put Spread ஆகி விடும்.

Bear Put Spread:

ACC நிறுவனத்தின் பங்குகளின் விலை Rs. 536
டிசம்பர் 29, 2005க்கான Rs. 540 Put ஆப்ஷனின் விலை Rs. 12.25
டிசம்பர் 29, 2005க்கான Rs. 530 Put ஆப்ஷனின் விலை Rs. 6.30

டிசம்பர் Rs. 540 Put ஆப்ஷன்கள் 10 ஒப்பந்தங்களை நான் வாங்குவதாக வைத்துக் கொள்வோம். என் செலவு = 10 * Rs.12.25 = Rs. 12250.

இந்த Put ஒப்பந்தங்களை வாங்கிய கையோடு டிசம்பர் 29, 2005 Rs. 530க்கான Put ஒப்பந்தங்கள் பத்தை நான் விற்பதாக வைத்துக் கொள்ளுங்கள். இதனால் என்க்கு கிடைக்கும் பணம் = 10 * Rs.6.30 = Rs. 6300.

Rs. 530 Put விற்றதில் கிடைத்த வருமானம் Rs. 6300
Rs. 540 Put வாங்கியதற்காக கொடுத்த விலை Rs. 12250
மொத்தத்தில் என் செலவு = 12250 - 6300 = Rs. 5950

ACC பங்குகள் டிசம்பர் 29, 2005-ல் Rs. 530க்கு கீழே விற்றால், எனக்கு லாபம் கிடைக்கும். எவ்வளவு லாபம் கிடைக்கும்? Rs. 530க்கு கீழே பங்குகள் விழுந்து விட்டால், என்னிடமிருந்து Rs. 530 Put வாங்கியவர் எனக்கு ACC பங்குகளை Rs. 5,30,000க்கு விற்று விடுவார். அந்த பங்குகளை என்னிடம் Rs. 540 Put விற்றவரிடம் Rs. 5,40,000க்கு என்னால் விற்று விட முடியும்.
அதனால் கிடைக்கும் லாபம் 5,40,000 - 5,30,000 = Rs. 10,000.

இந்த Spread-ல் என் செலவு Rs. 5950
எனக்கு கிடைக்கும் மொத்த லாபம் = 10,000 - 5950 = Rs. 4050



ஒரு வேளை இந்த பங்குகள் 540க்கு மேலே விற்றால் என்னுடைய அதிக பட்ச நஷ்டம் Rs. 5950 மட்டுமே. இந்த Spread-ஐ ஆரம்பிக்கும் போது போட்ட பணம் மட்டும் தான் நஷ்டமாகும்.

Put ஆப்ஷன்களை வைத்து Spread செய்வது போல் Call ஆப்ஷன்களை வைத்தும் Spread செய்யலாம். Bull Call Spread, Bear Call Spread என்று அதிலும் இரண்டு வகைகள் உள்ளன. அதிக விளக்கத்துடன் இல்லாமல் சுருக்கமாக அவற்றைப் பற்றி பார்ப்போம். மேலே கண்ட Bull Put Spread, Bear Put Spread புரியவில்லை என்றால் திரும்பவும் படித்து பாருங்கள். அவை நன்றாக பிடிபட்ட பிறகு Call Spread பற்றி படியுங்கள்.

Call Spreadக்கு Andhra Bank பங்குகளை உதாரணத்துக்கு எடுத்துக் கொள்வோம். இந்த பங்குகள் Rs. 94க்கு விற்கின்றன. இந்த பங்குகளுக்கான ஆப்ஷன் ஒப்பந்தங்களும் 100 பங்குகளை மட்டும் கட்டுப்படுத்துவது கிடையாது. எளிதாக புரிவதற்காக ஒரு ஆப்ஷன் ஒப்பந்தம் 100 பங்குகளை மட்டும் கட்டுப்படுத்துவதாக வைத்துக் கொள்வோம்.

ஆந்திரா வங்கியின் டிசம்பர் 29, 2005க்கான Rs. 95 Call ஆப்ஷனின் விலை Rs. 2.70; Rs. 100 Call ஆப்ஷனின் விலை Rs. 1.40

Bull Call Spread:

டிசம்பர் 29, 2005க்கான Rs. 95 Call ஆப்ஷன் ஒப்பந்தங்கள் பத்தை வாங்க வேண்டும். செலவு = 10 * 2.70 = Rs. 2,700

டிசம்பர் 29, 2005க்கான Rs. 100 Call ஆப்ஷன் ஒப்பந்தங்கள் பத்தை விற்க வேண்டும்.

வரவு = 10 * 1.40 = Rs. 1,400

இந்த Spreadக்கான மொத்த செலவு = 2,700 - 1,400 = Rs. 1,300

ஆந்திரா வங்கியின் பங்குகள் டிசம்பர் 29, 2005 அன்று Rs. 100க்கு மேல் விற்றால்:
உங்களின் மொத்த லாபம் = Strike Priceகளுக்கு உள்ள வித்தியாசம் - நீங்கள் செய்த செலவு = 5,000 - 1,300 = Rs. 3,700.

இந்த பங்குகள் Rs. 95க்கு கீழே போய்விட்டால் உங்களின் அதிக பட்ச நஷ்டம் நீங்கள் செய்த செலவு Rs. 1300 மட்டுமே.



Bear Call Spread:

Bull Call Spread-ஐ உல்டா செய்தால் Bear Call Spread.

டிசம்பர் 29, 2005க்கான Rs. 100 Call ஆப்ஷன் ஒப்பந்தங்கள் பத்தை வாங்க வேண்டும்.

செலவு = 10 * 1.40 = Rs. 1,400

டிசம்பர் 29, 2005க்கான Rs. 95 Call ஆப்ஷன் ஒப்பந்தங்கள் பத்தை விற்க வேண்டும்.

வரவு = 10 * 2.70 = Rs. 2,700

இந்த Spread செய்ததால் கிடைத்த மொத்த வரவு = 2,700 - 1,400 = Rs. 1,300

ஆந்திரா வங்கியின் பங்குகள் டிசம்பர் 29, 2005 அன்று Rs. 95க்கு கீழே விற்றால், உங்களுக்கு கிடைத்த மொத்த வரவு Rs. 1300 உங்களுக்கு லாபம்.

இந்த பங்குகள் Rs. 100க்கு மேலே போய்விட்டால்:
உங்களின் அதிக பட்ச நஷ்டம் = Strike Priceகளுக்கு உள்ள வித்தியாசம் - உங்களுக்கு ஏற்கனவே கிடைத்த வரவு = 5,000 - 1,300 = Rs. 3,700.

ஆந்திரா வங்கியின் பங்குகள் Rs. 500க்கு போனால் கூட உங்களின் அதிக பட்ச நஷ்டம் Rs. 3700.



ஆப்ஷன்களை முறைப்படி பயன்படுத்தினால் நிறைய பணம் சம்பாதிக்கலாம். எல்லாவற்றுக்கும் மேலாக நாம் முதலீடு செய்த பணத்தை பாதுகாக்கலாம்.

இந்த தொடரில் ஊக்குவிக்கும் பின்னூட்டங்கள் எழுதிய அனைவருக்கும் மிக்க நன்றி! இந்த தொடரை படித்த அனைவரும் ஆப்ஷனில் நிறைய பணம் சம்பாதிக்க வாழ்த்துக்கள்!!

Good Luck!

Sunday, December 11, 2005

ஆப்ஷன் - பாகம் 6

பாகம் 1 பாகம் 2 பாகம் 3 பாகம் 4 பாகம் 5 பாகம் 7

ஆப்ஷன் பாகம் ஐந்தை படித்த பிறகு என் நண்பர் கிண்டல் செய்தார் “அதென்ன வாகினி, ராகினி என்று பழைய பேரா எழுதுறீங்க? ஒரு சினேகா, ஒரு அசின்னு எழுதினால் நல்லாயிருக்குமே?!” வாகினி என்ற பெயரை உபயோகித்ததற்கு பின்னால் ஒரு கதை இருக்கிறது. பயப்படாதீர்கள், இது ஒன்றும் காதல் கதையல்ல!

நான் பகுதி நேர வகுப்பில் “Business Law” என்ற சட்ட சம்பந்தமான பாடம் படித்து வருகிறேன். இந்த பாடத்துக்கான புத்தகத்தில் பொருள் விற்பவரை “Sam the Seller” என்று கூறுகிறார்கள். பொருள் வாங்குபவருக்கு “Bob the Buyer” என்று பெயர். பிராடு செய்யும் ஆளுக்கு “Frank the Fraud” என்று பெயர். “Seller” மற்றும் “Sam” இரண்டுமே “S”-ல் ஆரம்பிப்பதால் “Sam” என்ற பெயரை படிக்கும் போதே அவர் “Seller” என்று புரிந்து விடும். இதே உத்தியை கையாண்டதன் விளைவு தான் “வாங்குபவர்” பெயர் வாகினி ஆகிவிட்டது. “விற்பவர்” விவேக்காகி விட்டார். இனிமேல் எழுதும் ஏதாவதொரு பதிவில் என் ஜொள்ளு நண்பருக்காக சிரிக்கும் சினேகா, அழகிய அஸின், நமட்டு சிரிப்பு நமீதா என்று எழுத போகிறேன்.

நீங்கள் முதல் முறையாக இந்த தொடரில் எட்டிப் பார்த்தால், பாகம் ஒன்றிலிருந்து தொடங்கவும்.

இந்த பாகத்திலும் அடுத்த பாகத்திலும் ஆங்கில வார்த்தைகள் ஆங்காங்கே தூவப்பட்டிருக்கும். I have no other option :-) எந்தவொரு பங்கை நீங்கள் எடுத்துக் கொண்டாலும் அதற்குரிய ஆப்ஷன்களின் சாய்ஸ் நிறைய உள்ளது. உதாரணமாக IBM பங்குகளை எடுத்துக் கொண்டால் ஏப்ரல் 2006-க்கான் ஆப்ஷன்களின் எண்ணிக்கை மட்டும் 17. இன்று IBM $88க்கு விற்கிறது. $40-லிருந்து $120 வரைக்கும் வெவ்வேறு “Strike Price” உள்ளது. விபரங்களுக்கு இங்கு பார்க்கவும். http://finance.yahoo.com/q/os?s=IBM&m=2006-04 இதில் எந்த ஆப்ஷனை வாங்குவது அல்லது விற்பது? இந்த கேள்விக்கு விடை தேடுவதற்கு முன்னால் சில டெக்னிக்கல் வார்த்தைகளின் அர்த்தங்களை புரிந்து கொள்ள வேண்டும்.

1. விலை மாறும் தன்மை (Volatility):

சுருக்கமாக சொல்லப் போனால் ஒரு பங்கின் விலை எந்த அளவுக்கு மேலேயும் கீழேயும் போய் வருகிறது என்பதை குறிப்பது தான் “Volatility”. கூகுள் பங்குகள் ஒரே நாளில் $10 மேலே போகிறது அல்லது $10 கீழே விழுகிறது. அதனால் இந்த பங்குகளின் “Volatility ” அதிகம்.

Volatility-ல் இரண்டு வகை உண்டு. Historical Volatility (HV) மற்றும் Implied Volatility (IV). HV என்பது பங்குகளுக்காக. IV என்பது ஆப்ஷன்களுக்காக. கூகுளின் HV 31, IV 29. IBM பங்குகளுக்கு HV 13, IV 20. Volatility அதிகமாக அதிகமாக பங்குகளின் விலை நிலையாக இருக்காது, ஊசலாடும். Volatility அதிகமாக இருக்கும் நேரத்தில் ஆப்ஷன் பிரிமியம் அதிகமாக இருக்கும். இந்த இடத்தில் ஒரு நிமிடம் நிறுத்தி சிந்தித்துப் பாருங்கள்.

ஆப்ஷன் பிரிமியம் அதிகமாக இருக்கும் பட்சத்தில் அந்த ஆப்ஷனை வாங்குவது நல்லதா அல்லது விற்பது நல்லதா?

விற்பது தான் நல்லது. Covered Call விற்கலாம் அல்லது Put ஆப்ஷனை விற்கலாம். ஒரு பங்கின் Volatility எப்போதும் ஒரே மாதிரி இருக்கப் போவதில்லை. சில வருடங்களுக்கு முன்னால் மைக்ரோசாப்டின் Volatility அதிகமாக இருந்தது. இப்போது சாதாரண லெவலுக்கு போய்விட்டது. இன்னும் சில வருடங்களில் கூகுளின் Volatility -ம் சாதாரண லெவலுக்கு வந்து விடும்.

2. ஆப்ஷனின் உண்மையான விலையும் நேரத்தின் விலையும்:

நீங்கள் ஏப்ரல் 2006க்கான $80 Call ஆப்ஷனை வாங்குவதாக வைத்துக் கொள்வோம். இந்த ஆப்ஷனின் விலை (பிரிமியம்) $10.90.

IBM பங்கின் இன்றைய விலை $88.72.

$88.72 விலைக்கு விற்கும் பங்குகளை $80 விலைக்கு வாங்க $80+$10.90 = $90.90 விலை ஒரு பங்குக்கு கொடுக்க சம்மதிக்கிறீர்கள்.

ஏப்ரல் 2006-ல் இந்த பங்குகள் இதே விலைக்கு ($88.72) விற்பதாக வைத்துக் கொள்வோம். உங்களால் $80 விலைக்கு இந்த பங்குகளை வாங்க முடியும். நீங்கள் ஆப்ஷனுக்காக கொடுத்த $10.90 பிரிமியமும் வீண் கிடையாது. இந்த $10.90 பிரிமியத்தில் $8.72 ($88.72 - $80) உங்களுக்கு திரும்ப கிடைத்து விடுகிறது. மீதம் உள்ள $2.18 மட்டும் தான் காற்றில் கரைந்து விட்டது.

மேலே சொன்ன உதாரணத்தில் $8.72 என்பது "ஆப்ஷனின் உண்மையான மதிப்பு" (Intrinsic Value). $2.18 என்பது "நேரத்தின் மதிப்பு" (Time Value).

இன்று பங்குகள் $88.72க்கு விற்கும் போது $80 Strike price-ல் Call ஆப்ஷன் வாங்கும் போது Intrinsic Value $8.72 இருக்கிறது. இதுவே $90 Strike price-ல் Call ஆப்ஷன் வாங்கினால் Intrinsic Value எவ்வளவு இருக்கும்? பெரிய பூஜ்யம். வெறுமனே Time value மட்டும் தான் இருக்கும். இந்த ஒரு காரணத்துக்காகவே பங்குகளின் விலையை விட அதிகமாக உள்ள Strike price-ல் Call ஆப்ஷனை வாங்க கூடாது. (Covered call விற்கலாம், அதை வாங்குபவர் தானே கஷ்டப்பட போகிறார்)

Intrinsic Value இல்லாத ஆப்ஷனை வாங்குவது லாட்டரி வாங்குவதற்கு சமம். வெறும் Time Value மட்டும் இருக்கும் போது ஆப்ஷனின் விலை மிக குறைவாக இருக்கும், ஆனால் அதனால் எந்த பயனும் கிடையாது. ஆப்ஷன் பாகம் 1,2-ல் பார்த்த மைக்ரோசாப்ட் நவம்பர் 2005க்கான $30 Call ஆப்ஷன் ஞாபகம் உள்ளதா? அதை வாங்கிய அனைவருக்கும் நஷ்டம்.

3. In-the-money, Out-of-the-money, At-the-money and Where is my money?!

IBM பங்குகள் $88.72க்கு விற்கிறது. $85 அல்லது $85க்கும் குறைவான விலையில் உள்ள Call ஆப்ஷன்கள் "In-the-money (ITM)" என்ற பிரிவில் உள்ளன. Strike Price பங்கு விலைக்கு உள்ளே (within the price of stock) இருப்பதால் இப்படி பெயர்.

$90 அல்லது $90க்கும் அதிகமான விலையில் உள்ள Call ஆப்ஷன்கள் "Out-of-the-money (OTM)" என்ற பிரிவில் உள்ளன. Strike Price பங்கு விலைக்கு வெளியே (Outside the price of stock) இருப்பதால் இப்படி பெயர்.

பங்கு விலையும் Strike price-ம் ஒரே விலையில் இருந்தால் Call ஆப்ஷன்கள் "At-the-money (ATM)" பிரிவில் இருக்கும்.

Call ஆப்ஷன் வாங்கும் போது In-the-money Call options வாங்குவது தான் நல்லது. அதே போல Call ஆப்ஷன் விற்கும் போது Out-of-the-money Call options விற்றால் லாபம் பார்க்கலாம்.

Call ஆப்ஷனும் Put ஆப்ஷனும் எதிர் துருவங்கள். அதனால் Put ஆப்ஷனில் ITM (In-the-money) மற்றும் OTM (Out-of-the-money) அப்படியே உல்டாவாக மாறி விடும்.

IBM பங்குகள் $88.72க்கு விற்கிறது.
$90 Strike Price-ல் உள்ள Put ஆப்ஷன்கள் ITM வகையை சேர்ந்தவை.
$85 Strike Price-ல் உள்ள Put ஆப்ஷன்கள் OTM வகையை சேர்ந்தவை.

ATM(At the money) வகை மட்டும் Call ஆப்ஷனுக்கும் Put ஆப்ஷனுக்கும் ஒரே மாதிரி இருக்கும்.

4. Delta:

ஒரு பங்கின் விலை ஏறும் போதோ அல்லது இறங்கும் போதோ எல்லா ஆப்ஷன்களும் ஒரே மாதிரி ஏறுவதோ அல்லது இறங்குவதோ கிடையாது. பங்கின் விலை மாறும் போது ஆப்ஷனின் விலை எப்படி மாறும் என்பதை காட்டுவது தான் “டெல்டா”.

மைக்ரோசாப்ட் இன்று $28க்கு விற்கிறது. ஜனவரி 2006க்கான $27.5 Call ஆப்ஷனுக்கான டெல்டாவின் மதிப்பு 0.67. மைக்ரோசாப்ட் பங்குகள் $1 மேலே போனால் இந்த ஆப்ஷன் விலை 67 பைசா மேலே ஏறும்.

பங்கு விலையை விட Strike Price அதிகமாக உயர உயர டெல்டா குறைந்து கொண்டே வரும். டெல்டா அதிகமாக இருக்கும் ஆப்ஷன்களை தான் வாங்க வேண்டும். பங்கின் இன்றைய விலை $90. அதன் $85க்கான Call ஆப்ஷனை $6 விலைக்கு வாங்குகிறீர்கள் என்று வைத்துக் கொள்வோம். இந்த ஆப்ஷனின் டெல்டாவின் மதிப்பு 0.75.

இந்த பங்கின் விலை நாளை $92க்கு உயர்ந்தால் உங்கள் ஆப்ஷனின் மதிப்பு $1.50 உயர்ந்து ஆப்ஷனின் விலை $7.50க்கு போய் விடும். போட்ட முதலீட்டுக்கு 25% லாபம் கிடைக்கிறது. $85க்கான Call ஆப்ஷனை வாங்காமல் $95க்கான Call ஆப்ஷனை நீங்கள் வாங்கினால் என்னவாகும்? $95 Call ஆப்ஷனின் விலை $1.50 என்றும் அதன் டெல்டா 0.1 என்றும் வைத்துக் கொள்வோம். பங்கின் விலை ஒரு டாலர் எறினால் இந்த ஆப்ஷனின் விலை 10 பைசா உயரும். பங்கின் விலை குறைந்த பட்சம் $4 உயர்ந்தால் தான் 25% லாபம் கிடைக்கும். அது போக OTM Call எல்லாவற்றுக்கும் வெறும் நேர மதிப்பு மட்டும் (Time Value) தான் இருக்கும், அதுவே பெரிய ரிஸ்க்.

5. Gamma:

பங்கின் விலை $1 (அல்லது Rs.1) அதிகமானாலோ அல்லது குறைந்தாலோ டெல்டா எவ்வளவு மாறும் என்பதை காட்டுவது Gamma.

டெல்டா என்பது காரின் வேகம் என்று எடுத்துக் கொண்டால், ஆக்சிலிரேட்டர் பெடல் எந்த அளவுக்கு மிதிக்கப் படுகிறது என்பதை சொல்வது Gamma.

6. Theta:

நாட்கள் செல்ல செல்ல ஆப்ஷனின் விலை எவ்வளவு குறையும் என்பதை Theta காட்டும். டிசம்பர் 2005க்கான ஆப்ஷனின் Theta அதிகமாக இருக்கும். ஆனால் ஏப்ரல் 2006க்கான ஆப்ஷனின் Theta குறைவாக இருக்கும்.

உதாரணம்:

IBM December 2005, $85 Call ஆப்ஷனுக்கு Theta-வின் மதிப்பு -0.057.
IBM April 2006, $85 Call ஆப்ஷனுக்கு Theta-வின் மதிப்பு -0.021.

7. Vega:

Volatility மதிப்பு மாறும் போது ஆப்ஷனின் விலை எந்த அளவுக்கு மாறும் என்பதை காட்டுவது Vega.

இவ்வளவு தூரம் நீங்கள் பொறுமையாக படித்து வந்ததற்காக:





ஆப்ஷனின் விலை எப்படி நிர்ணயிக்கப் படுகின்றது என்பதை பற்றி மேலும் விபரங்கள் தெரிந்து கொள்ள ஆசைப்பட்டால் இங்கு செல்லவும். http://bradley.bradley.edu/~arr/bsm/model.html

ஆப்ஷனை கணக்கிடும் Java Applet இங்கு உள்ளது. US $ என்று இந்த தளத்தில் குறிப்பிட்டிருந்தாலும் எந்த நாட்டு சந்தைக்கும் இது பயன்படும்.
http://www.margrabe.com/OptionPricing.html

அமெரிக்க சந்தையில் முதலீடு செய்பவர்களுக்கு மட்டும் Volatility மதிப்புகளை தெரிந்து கொள்ள http://www.ivolatility.com/ பயன்படும்.

மேலே நாம் கண்ட அத்தனை மதிப்புகளையும் அறிந்து கொள்ள ஒரு காலத்தில் நிறைய கஷ்டப்பட்டிருக்கிறேன். இப்போது ரொம்ப சிம்பிளாகி விட்டது. Optionsxpress தளத்தில் அத்தனை விபரங்களும் எனக்கு கிடைக்கிறது. இதே போல இந்திய பங்கு சந்தையின் தரகர் வலை தளங்கள் இருந்தால் சொல்லுங்கள், அந்த விபரங்களையும் இங்கு எழுதி விடலாம். எந்த ஒரு ஆப்ஷனையும் வாங்கும் முன்போ அல்லது விற்கும் முன்போ Volatility, Delta மற்றும் Gamma மதிப்புகளை நீங்கள் அவசியம் தெரிந்து கொள்ள வேண்டும். Volatility-ஐ பொறுத்து ஆப்ஷனை வாங்குவதா அல்லது விற்பதா என்று முடிவு செய்யுங்கள். டெல்டாவின் மதிப்பை பொறுத்து எந்த ஆப்ஷனை வாங்குவது/விற்பது என்று முடிவு செய்யுங்கள்.

இந்திய பங்கு சந்தையில் டிரேடு செய்யப்படும் சில ஆப்ஷன்களைப் பற்றி எழுதலாம் என்று விபரங்களை தேடிப் பார்த்தேன். நல்ல விபரங்கள் எதுவும் சிக்க வில்லை. Indiainfoline.com என்ற தளத்தில் போனால் ஏப்ரல் 2005 மாதத்துக்கான விலைகளை மட்டுமே இந்த தளம் (http://www.indiainfoline.com/stok/infu/) காண்பிக்கிறது. ICICIdirect.com இன்னும் வேஸ்ட்.

http://www.indiainfoline.com/stok/opti/index.html என்ற சுட்டியில் எந்த பங்குகளுக்கு ஆப்ஷன்கள் டிரேடு செய்யலாம் என்று காண்பிக்கிறார்கள். ஆனால் இந்த ஆப்ஷன்களின் விலை எவ்வளவு என்று எங்கே தெரிந்து கொள்ள முடியும்? யாருக்காவது தெரிந்தால் சொல்லுங்கள். அடுத்த பாகத்தில் நம் ஊர் ஆப்ஷன்களைப் பற்றி எழுதினால் நன்றாக இருக்கும். SEBI வலைத்தளத்தில் “Lot size” என்பதைப் பற்றி வித்தியாசமாக எழுதியிருந்தார்கள். அமெரிக்க சந்தையில் ஒரு ஆப்ஷன் ஒப்பந்தம் எபோதுமே 100 பங்குகளை கட்டுப்படுத்தும். ஆனால் நம் ஊர் பங்கு சந்தையில் ஒரு ஒப்பந்தத்துக்கான பங்குகளின் எண்ணிக்கை பங்குகளின் விலையை பொறுத்து மாறுபடுகிறது. எதையும் சிம்பிளாக விட மாட்டார்கள் போல இருக்கிறது.

அடுத்த பாகத்துடன் இந்த தொடர் முடியும்.

பாகம் 1 பாகம் 2 பாகம் 3 பாகம் 4 பாகம் 5 பாகம் 7

Thursday, December 08, 2005

பூகம்பம் வரப்போவதை முன்கூட்டியே கணிக்க முடியுமா?

பூகம்பத்தை மனிதர்கள் உணரும் முன்பே மிருகங்களால் உணர முடியும் என்பது ஏற்கனவே நிரூபிக்கப்பட்டிருக்கிறது. மேக கூட்டங்களால் பூகம்பத்தை முன்கூட்டியே உணர முடியுமா? ஆமாம் என்கிறார் நியூயார்க்கில் வாழும் ஸாங்கோ ஸௌவ் (Zhonghao Shou) என்பவர். பூகம்பம் ஏற்படுவதற்கு சில தினங்கள் முன்பாகவே பூமியின் தட்டுகள் ஒன்றையொன்று உரசிக்கொள்ள ஆரம்பிக்கின்றன. அதனால் அந்த பகுதிகளில் உள்ள நிலத்தடி நீர் 300 டிகிரி செல்சியஸிலிருந்து 1500 டிகிரி செல்சியஸ் வரை சூடாகின்றது. இந்த சுடு நீர் வெப்பக் காற்றாக மேலே எழுந்து வித்தியாசமான வடிவங்களை உடைய மேக கூட்டங்களாக கூட்டமாக கூடுகிறது என்று ஸாங்கோ சொல்கிறார். இந்த வடிவங்கள் அரிக்கன் விளக்கு போலவோ, பாம்பு போலவோ அல்லது நேர் கோடு போலவோ தோன்றும் என்று கூறுகிறார்.

தன்னுடைய கணிப்புகள் இது வரை எப்படி உண்மையாகி உள்ளது என்று தன் வலைதளத்தில் விளக்கமாக எழுதியுள்ளார். விபரங்களுக்கு இங்கு செல்லவும். அக்டோபர் 8ம் தேதி அன்று பாகிஸ்தானில் ஏற்பட்ட பூகம்பத்தை செப்டம்பர் 28ம் தேதியே கணித்து விட்டதாக கூறுகிறார். உண்மையாக இருக்கலாம். பாகிஸ்தான் பூகம்பத்துக்கு பிறகு தான் இந்த வலைத்தளத்தை நான் பார்த்தேன். அக்டோபரிலிருந்து இவருடைய கணிப்பை தொடர்ந்து பார்த்து வருகிறேன்.

அக்டோபர் 6ம் தேதி அன்று வடக்கு கலிபோர்னியாவில் 4.8 அல்லது அதற்கும் மேல் மதிப்புள்ள பூகம்பம் வரலாம் என்று கணித்திருந்தார். நல்ல வேளையாக அப்படி ஒன்றும் நடக்கவில்லை.இலங்கைக்கு கிழக்கே ரிச்சர் ஸ்கேலில் 5க்கு மேல் மதிப்புள்ள பூகம்பம் வரும் என்று கணித்திருந்தார். அக்டோபர் 16ம் தேதி அன்று அப்படி ஒரு பூகம்பம் வந்ததாகவும் தன்னுடைய வளைத்தளத்தில் எழுதியுள்ளார். விபரங்கள் இங்கே: http://quake.exit.com/images_2005_5.htm. அப்படி ஒரு பூகம்பம் நடந்ததாக நான் படிக்கவில்லை, உங்களுக்கு தெரிந்திருந்தால் சொல்லுங்கள். அதே போல இந்தியாவில் கேரளவுக்கு மேலே உள்ள பகுதிகளில் 6.5க்கு பூகம்பம் வரும் என்று அக்டோபர் 14 அன்று கணித்திருந்தார். பத்து நாட்களில் “நான் கணித்தது தவறாக இருக்கலாம்” என்று சொல்லிவிட்டார். தான் சொல்லியது சரி தான் என்று மல்லுக்கட்டாமல் “Sorry, it may be wrong” என்று சொல்லிவிடுகிறார். போன வருடம் டிசம்பர் 26 அன்று தமிழகத்திலும் இலங்கையிலும் கொடூர தாண்டவம் நடத்திய சுனாமி உருவானது கடலுக்கடியில் ஏற்பட்ட பூகம்பத்தால் தான். அந்த பூகம்பத்தை டிசம்பர் 13ம் தேதி அன்றே கணித்திருக்கிறார்.



மேலும் விபரங்களுக்கு http://quake.exit.com/images_2004_6.htm. இந்தோனிஷியாவில் “Geoeruption” ஏற்படும் என்று இவரால் சொல்ல முடிந்திருக்கிறது. தன் சொந்த செலவிலும் மற்றவர்களின் நன்கொடை மூலமாகவும் பூகம்ப ஆராய்ச்சியை தொடர்ந்து செய்து வருகிறார். அக்டோபர் 30, 2005க்கு பிறகு சீனாவுக்கு சென்று விட்டார். பிப்ரவரியில் திரும்ப வர போவதாக அவர் வலைத்தளம் சொல்கிறது.

புவியியல் பற்றி எனக்கு அதிகம் தெரியாததால் இவரின் கண்டுபிடிப்புகளை பற்றி முழுமையாக என்னால் கருத்து சொல்ல முடியவில்லை. ஆனாலும் இவரது வலைத்தளத்தில் உள்ள புகைப்பட ஆதாரங்களை பார்க்கும்போது இவர் மேல் மரியாதையும் நம்பிக்கையும் வருகிறது.

Monday, December 05, 2005

ஹை-டெக் விவசாயி

கடலூருக்கு அருகில் உள்ள சிறிய கிராமம் திருப்பாபுலியூர். தமிழரசன் அந்த ஊரில் விவசாயம் செய்கிறார். தனது பத்து ஏக்கர் நிலத்திலும் வெங்காயம் பயிரிட்டிருக்கிறார். தன் நிலத்தையும் பயிரையும் கண்காணிக்க அவர் வீட்டை விட்டு வெளியே செல்ல வேண்டிய அவசியமில்லை.

தன் வீட்டு திண்ணையில் உட்கார்ந்து தனது லேப்டாப் கம்ப்யூட்டரின் மூலம் தன் நிலத்தின் ஈரப்பதத்தை செக் செய்ய முடியும். தன் வயல் வரப்பின் எல்லைகளை வெப் கேமரா மூலம் கண்காணிக்க முடியும். பிடிக்காதவன் மாடு தன் நிலத்துக்குள் புகுந்தால் கொஞ்சமாக ஷாக் கொடுத்து விரட்ட முடியும். பிடிக்காதவன் நுழைந்தால் அவனுக்கும் ஷாக் கொடுக்கலாம், ஆனால் அரசாங்கம் அனுமதிக்காததால் ஒலி பெருக்கி மூலம் பேசி விரட்ட முடியும். தமிழரசனின் வயலை சுற்றி போடப் பட்ட வேலியில் ஆங்காங்கே
ஒலிபெருக்கிகளும் வெப் கேமராக்களும் பொருத்தப் பட்டிருக்கின்றன.

தமிழரசன் தன் நிலத்தின் தேவைக்கேற்ப தண்ணீர் திறந்து விட முடியும், அவர் நிலத்தில் கால் வைக்காமல். தன் பயிரை வாங்கும் நிறுவன அதிகாரிகளுடன் மின்னஞ்சலில் வியாபாரம் பேச முடியும். இன்று சென்னையில் வெங்காயம் என்ன விலை விற்கிறது, தன்னிடம் வெங்காயம் வாங்கும் நிறுவனம் தன்னை ஏமாற்றுகின்றதா என்பதையெல்லாம் சில பட்டன்களை தட்டி அவரால் திரிந்து கொள்ள முடியும்.Wi-Fi தொடர்பும், லேப்டாப் கம்ப்யூட்டரும் அவருக்கு உதவி செய்கிறது.

Wi-Fi தொடர்பின் மூலம் தன் நிலத்தின் ஒவ்வொரு சதுர அடியையும் தமிழரசனால் கண்காணிக்க முடிகிறது. தன் கிராமத்தில் சுனாமியாலோ பலத்த மழையினாலோ பாதிப்பு ஏற்பட்டால் வெளி உலகத்துடனும் மற்ற விவசாயிகளுடனும் தொடர்பு கொள்ள Wi-Fi தொடர்பு அவருக்கு உதவுகிறது.

ம்...கேட்கவே நன்றாக இருக்கிறது. அமெரிக்காவில் Oregon மாநிலத்தில் உள்ள Hermiston என்ற சின்ன கிராமத்தில் (மக்கள் தொகை 11,000) இது நிஜமாகி விட்டது. Subway என்ற உணவகத்தில் பயன்படுத்தப்படும் சிவப்பு வெங்காயங்கள் Wi-Fi தொடர்பின் உதவியால் இந்த கிராமத்தில் பயிர் செய்யப்பட்டவை.

இன்னும் சில வருடங்களில் இந்த கனவு இந்தியாவிலும் நனவாகும். DSL அல்லது கேபிள் மூலம் கிடைக்கும் இன்டர்நெட் தொடர்பின் விலையை விட Wi-Fi தொடர்பின் விலை குறைவு. ஏற்கனவே நம் ஊரில் விலை மலிவான கம்ப்யூட்டரை அறிமுகப்படுத்தி விட்டார்கள். வட இந்தியாவில் சில கிராமங்களில் விவசாயிகள் கம்ப்யூட்டரின் மூலம் தன் பயிர்களை எந்த விலைக்கு விற்கலாம் என்று தீர்மானிக்கிறார்கள். இன்னும் கொஞ்சம் காலம் பொறுத்திருந்தால் நம் ஊர் விவசாயிகள் கம்ப்யூட்டரின் மூலம் பயிர் செய்வார்கள். "காலத்தே பயிர் செய்" என்ற சொல் மாறி "கம்ப்யூட்டரே..பயிர் செய்" என்றாகி விடும்.

இது போல நடக்க வேண்டும் என்று தனிப்பட்ட முறையில் நான் ஆசைப்படுகிறேன். என் மேனேஜரின் தொல்லை தாங்கவில்லை. கோயம்பத்தூர் பக்கம் ஒரு கிராமத்தில் போய் செட்டிலாகி, திண்ணையில் உட்கார்ந்து லேப்டாப்பின் உதவியால் விவசாயம் செய்யலாம். மாலை நேரங்களில் போரடித்தால் நாஸ்டாக்கில் கொஞ்சம் பணம் செய்யலாம். ஒரு பக்கம் விவசாயம், இன்னொரு பக்கம் கூகுளும் மைக்ரோசாப்டும். இது எப்படி இருக்கு?!

குறிப்பு: ஆப்ஷனின் அடுத்த பாகத்தை எழுதுகிறேன், எழுதுகிறேன், எழுதிக் கொண்டே இருக்கிறேன். எல்லோரும் சுலபமாக புரிந்து கொள்ளும்படி இன்னும் சரியாக வரவில்லை. ஈ-கலப்பையும் இன்னும் சரிவர பிடிபட வில்லை. இன்னும் சில நாட்களுக்குள் அடுத்த பாகம் வந்து விடும்.

Thursday, November 24, 2005

ஆழ்நிலை தியானம்

இன்று அமெரிக்காவில் நன்றி சொல்லும் நாள் (Thanksgiving day). மற்ற நாட்களில் நன்றி சொல்லக்கூடாது என்றில்லை! அமெரிக்கர்கள் முதன் முதலாக ஐரோப்பாவிலிருந்து இங்கு வந்த போது தங்களுக்கு உதவியர்களை நினைவு கூறும் நாள்.

ஆழ்நிலை தியானத்தை எனக்கு அறிமுகப்படுத்தியதற்காக என் நண்பன் அன்பரசனுக்கு நான் அவசியம் நன்றி கூற வேண்டும். அவரிடம் பல முறை சொல்லியிருக்கிறேன். இந்த பதிவு மூலமாக திரும்பவும் நன்றி கூறுகிறேன். ஆழ்நிலை தியானத்துக்கும் கோடி நன்றி!.

பல வருடங்களுக்கு முன்னால் கல்லூரி பாடங்களில் தலையை பிய்த்து கொண்டிருந்த போது "ஒரு தியானத்தை பற்றி கேள்விப்பட்டேன். இன்று சாயந்தரம் போறேன், நீயும் வா" என்று அன்பரசன் கூப்பிட்டார். ஈகா தியேட்டரில் பக்கத்தில் உள்ள அமைதியான இடம் அது. மனதை சாந்தப் படுத்தும் இடம். அறிமுக வகுப்பு தொடங்குவதற்கு சிறிது நேரம் இருந்ததால், அங்கே இருந்த புகைப்படங்களை எல்லாம் வேடிக்கை பார்த்து கொண்டிருந்தோம்.

ஒரு புகைப்படத்தில் சில மனிதர்கள் பறந்து கொண்டிருந்தார்கள். அவர்களின் உடம்பு தரையை விட்டு மேலே இருந்தது. அது பித்தலாட்டம் போல எனக்கு தோன்றியது. "இவனுங்க ஏதோ பிராடு போல தெரியுது, வா அன்பு நாம போயிரலாம்" என்று அன்பரசனிடம் சொன்னேன். அன்பரசன் சிரித்து கொண்டே "இவ்வளவு தூரம் வந்துட்டோம், என்னன்னு பார்த்துட்டு போயிடலாம்" என்று சொல்லி விட்டார்.

பதினைந்து நிமிடங்களில் அறிமுக வகுப்பு தொடங்கியது. வகுப்பில் பேசியவர் ரொம்பவும் தெளிவாக பேசினார். கொஞ்சமாக நம்பிக்கை வந்தது. அப்புறம் தனியாக ஒரு அறையில் கடவுள் படத்தின் முன்னே உட்கார்ந்து ஒரு மந்திரம் சொல்லிக் கொடுத்தார்கள். "வேறு யாருக்கும் இந்த மந்திரம் தெரிய கூடாது. தெரிந்தால் இந்த மந்திரத்துக்கு effect இருக்காது" என்று பயமுறுத்தினார்கள்.

முதல் முறை தியானம் செய்த போது மனது அலை பாய்ந்து கொண்டிருந்தது. சில நாட்களில் மனது கட்டுப்பட்டது. சில மாதங்களில் தியானம் செய்வது தன்னிச்சை செயலாக மாறிவிட்டது.

ஆழ்நிலை தியானத்தின் பயன்கள் பல, அவை ஒவ்வொன்றையும் இங்கே எழுதி போரடிக்க விரும்பவில்லை. http://www.tm.org/ என்ற ஒரு அருமையான தளம் ஆழ்நிலை தியானத்தை உருவாக்கியவர்களால் நடத்தப்படுகிறது. அங்கே எல்லா விபரங்களும் உள்ளன.

நம் புத்தர் தற்காப்பு கலைகளை சீனாவில் பரப்பியது போல மகரிஷி ஆழ்நிலை தியானத்தை உலகம் முழுதும் சொல்லிக் கொடுக்கிறார். பொதுவாகவே எனக்கு சாமியார்களின் மேல் வெறுப்பு உண்டு. அதனால் மகரிஷி மேல் எனக்கு எந்த பக்தியும் இல்லை. ஆனால் ஒரு நல்ல விஷயத்தை சொல்லிக் கொடுத்ததற்காக நான் நன்றி சொல்ல கடமைப் பட்டிருக்கிறேன். என் அமெரிக்க நண்பர்கள் சிலர் ஆழ்நிலை தியானத்தின் மேல் தீவிர ஈடுபாட்டுடன் இருக்கிறார்கள். இங்கு கலிபோர்னியாவில் Palo Alto என்ற ஊரில் ஆழ்நிலை தியான மையம் உள்ளது. சென்னை அளவு இல்லாவிட்டாலும் அருமையாக பராமரிக்கிறார்கள்.

Iowa மாநிலத்தில் Fairfield என்ற ஒரு ஊரே ஆழ்நிலை தியானம் செய்து வருகிறது. நம் ஊர்களில் எல்லோரும் இந்த மாதிரி தியானம் செய்து வந்தால் ஜாதி மத போராட்டங்களுக்கு வேலையில்லாமல் போய்விடும்.

Monday, November 21, 2005

ஆப்ஷன் - பாகம் 5

பாகம் 1 பாகம் 2 பாகம் 3 பாகம் 4 பாகம் 6 பாகம் 7

ஆப்ஷன்களிலே ரொம்ப கவர்ச்சியானது Put ஆப்ஷனை விற்பது. கவர்ச்சியென்றால் கூடவே ஆபத்தும் கை கோத்துக்கொண்டு வரும். இந்த ஆப்ஷனை சரியான முறையில் கையாண்டால் நிறைய பணம் சம்பாதிக்கலாம். கொஞ்சம் அசந்து விட்டாலும் முதலுக்கே மோசமாகி விடும்.

இந்த ஆப்ஷன் ஏன் கவர்ச்சியானது? முதல் போடாமலே வருமானம் கிடைக்கும். அது தான் காந்தம் போல நிறைய பேரை சுண்டி இழுக்கிறது. நாம் ஏற்கனவே பார்த்த அத்தனை ஆப்ஷன்களுக்கும் முதல் போட வேண்டும்.

  • Call ஆப்ஷனை வாங்குவதற்கு பணம் வேண்டும்.
  • Call ஆப்ஷனை விற்பதற்கு பங்குகளை வைத்திருக்க வேண்டும், அந்த பங்குகளை வாங்குவதற்கு பணம் வேண்டும்.
  • Put ஆப்ஷனை வாங்குவதற்கும் பணம் வேண்டும்.
  • ஆனால் Put ஆப்ஷனை விற்பதற்கு மட்டும் பணம் முதலீடு செய்ய வேண்டிய அவசியம் இல்லை.

வழக்கம் போல ஒரு உதாரணத்தை எடுத்து கொள்வோம். Google பற்றியே பேசி கொஞ்சம் அலுத்து விட்டது. பில் கேட்ஸை கொஞ்சம் வம்புக்கு இழுப்போம்.

எட்டு வருடங்களுக்கு முன்னால் வாகினி என்பவர் மைக்ரோசாப்ட் நிறுவனத்தின் 1000 பங்குகளை ஒரு பங்கு $15 விலைக்கு வாங்கி வைத்திருக்கிறார். $15,000 முதலீடு செய்திருக்கிறார். இந்த பங்குகள் $60 விலை வரை சென்று தற்போது $28க்கு விற்கிறது. இன்னும் இரண்டு வருடங்களில் ஓய்வு பெற்று விடலாம் என்ற சிந்தனையில் வாகினி இருக்கிறார். அந்த சமயத்தில் இந்த பங்குகளை விற்று விடலாம் என்று அவருக்கு எண்ணம் இருக்கிறது. ஆனால் ஒரு உறுத்தல். "ஒரு வேளை இந்த பங்குகள் $15க்கு கீழே போய் விட்டால்?". Mini-Microsoft என்ற ஒரு வலைப்பதிவும் அவரை கொஞ்சம் யோசிக்க வைக்கிறது. "எதற்கு வம்பு, பேசாமல் Put ஆப்ஷனை வாங்கி வைத்து விடலாம்" என்று முடிவெடுக்கிறார்.

வாகினியிடம் 1000 பங்குகள் இருக்கிறது. ஒரு Put ஒப்பந்தம் 100 பங்குகளை தான் பாதுகாக்கும். எனவே அவர் 10 Put ஒப்பந்தங்களை வாங்க வேண்டும். இன்னும் இரண்டு வருடங்கள் கழித்து இந்த பங்குகளை விற்க போவதால், ஜனவரி 2008க்கான $30 Put பத்து ஒப்பந்தங்களை $3000 கொடுத்து வாங்குகிறார். ஏற்கனவே பங்குளை வாங்குவதற்கு $15,000 முதலீடு செய்துள்ளார். இப்போது ஆப்ஷன் வாங்குவதற்கு $3,000 முதலீடு செய்திருக்கிறார். மொத்தம் $18,000 முதலீடு. இவர் நிச்சயமாக நஷ்டமடைய போவது கிடையாது. ஜனவரி 2008க்குள் எப்போது வேண்டுமானாலும் அவரிடம் உள்ள மைக்ரோசாப்ட் பங்குகள் ஆயிரத்தை $30,000க்கு விற்று விட அவருக்கு உரிமை இருக்கிறது.

விவேக் என்பவர் வாகினிக்கு Put ஒப்பந்தங்களை விற்கிறார் என்று வைத்துக்கொள்வோம். வாகினி கொடுக்கும் $3000 பணமும் விவேக்கின் கைக்கு போய்விடும். வாகினியிடமிருந்து 1000 மைக்ரோசாப்ட் பங்குகளை $30க்கு வாங்கி கொள்வதாக கொடுத்த வாக்குறுதிக்கு கிடைத்த தொகை.

Put ஆப்ஷன் விற்பது செக்ஸியாக இருப்பதற்கு இன்னொரு காரணம்: Call ஒப்பந்தங்களை விற்பதற்கு விவேக்கின் கைவசம் பங்குகள் இருக்க வேண்டும். ஆனால் Put ஒப்பந்தங்களை விற்பதற்கு விவேக்கின் கைவசம் பங்குகள் இருக்க வேண்டிய அவசியம் இல்லை. அவர் நினைத்தால் அவர் விரும்பிய படி எத்தனை Put ஒப்பந்தங்களையும் விற்கலாம். அதற்கான பணம் அவருக்கு கிடைத்து விடும்.

ஒரு வேளை வாகினி பங்குகளை $30,000க்கு விற்க முயலும்போது விவேக்கினால் வாங்க முடியாமல் போய் விட்டால், விவேக்கின் தரகர் வம்பில் மாட்டிக்கொள்வார். இந்த ஒரு காரணத்துக்காகவே நீங்கள் Put ஒப்பந்தங்களை விற்பதற்கு பெரும்பாலான தரகர்கள் ஒப்புக்கொள்ள மாட்டார்கள். ஆப்ஷனில் உங்களுக்கு நிறைய அனுபவம் உள்ளது என்று அவர்கள் நம்பினால் தான் உங்களுக்கு இந்த சலுகையே கொடுப்பார்கள். இந்த சலுகை இருந்தாலும் உத்தரவாத தொகையை (Margin requirement) உங்கள் கணக்கில் நீங்கள் வைத்திருக்க வேண்டும்.

மேலே சொன்ன உதாரணத்தில் Put ஒப்பந்தங்களை விற்பதற்கான கமிஷன் தொகையை தவிர வேறு எந்த பணமும் விவேக் தன் தரகருக்கு கொடுக்க வேண்டிய அவசியமில்லை. ஆனால் $6000 பணத்தை உத்தரவாத தொகையாக தன் கணக்கில் வைத்து கொள்ள வேண்டும். இந்த உத்தரவாத தொகையின் மதிப்பு தரகரை பொறுத்து வேறுபடும். Optionsxpress போன்ற தரகர்களிடம் 20% உத்தரவாத தொகை கொடுத்தால் போதும். (20 % * $30,000 = $6,000). சில தரகர்கள் 50% உத்தரவாத தொகை கேட்பார்கள். இந்த மாதிரி குறைந்த பணத்தை வைத்து அதிக மதிப்புள்ள பங்குகளை தன் கட்டுப்பாட்டில் வைத்திருப்பதற்கு "Leverage" என்று பெயர். இது இரு முனைகளிலும் கூர்மையான கத்தி (Double edged sword). இதை கவனமாக கையாண்டால் மட்டுமே பணம் சம்பாதிக்க முடியும்.

மைக்ரோசாப்ட் பங்குகள் விழுந்து விடுமோ என்ற பயத்தில் வாகினி Put ஒப்பந்தங்களை வாங்குகிறார். எந்த தைரியத்தில் விவேக் இவ்வளவு ரிஸ்க் எடுத்து இந்த ஒப்பந்தங்களை விற்கிறார்? Jan 2008க்குள் ஒரு வேளை இந்த பங்குகள் $10க்கு போய்விட்டால் விவேக்கிற்கு எக்கசக்கமாக நஷ்டமாகி விடுமே? விவேக்கின் நோக்கத்திற்கு பின்னால் பல காரணங்கள் உண்டு.

1. அவருக்கு மைக்ரோசாப்ட் பங்குகளின் மேல் அளவு கடந்த காதல். கூகுலின் இள வட்டங்கள் ஆர்வக்கோளாறில் சீக்கிரமே ஏதாவது வம்பில் மாட்டிக் கொள்ள போகிறார்கள் என்று தீவிரமாக நம்புகிறார். மைக்ரோசாப்ட் இப்போது விழித்துக்கொண்டு Search Engine-ல் முழு கவனம் செலுத்துகிறது, இன்னும் இரண்டு வருடங்களில் மைக்ரோசாப்ட் கூகுலை முழுசாக விழுங்கி விடும் என்ற நம்பிக்கை அவருக்கு இருக்கிறது.

2. ஜனவரி 2008ல் மைக்ரோசாப்ட் பங்குகளை $30,000க்கு வாகினியிடமிருந்து வாங்கினாலும் அவர் செலவழிக்கும் தொகை $27,000 மட்டும் தான் (Put ஒப்பந்தங்களை விற்றதில் அவருக்கு ஏற்கனவே $3,000 கிடைத்திருக்கிறது). தள்ளுபடி விற்பனையில் மைக்ரோசாப்ட் பங்குகளை வாங்குவதில் அவருக்கு கொஞ்சம் கூட தயக்கம் இல்லை.

3. ஒரு வேளை மைக்ரோசாப்ட் பங்குகள் கீழே சரிந்து கொண்டே இருந்தால் அதிலிருந்து தன்னை பாதுகாத்துக்கொள்ள Stop loss போட்டு விட்டால் அதிக நஷ்டமாகாது என்று கணக்கு போடுகிறார்

4. மைக்ரோசாப்டில் ஏதாவது பிரச்னையென்றால் கோல்ப் விளையாடும் போது பில் கேட்ஸ் தன்னிடம் சொல்வார். அதை பொறுத்து மேலும் முடிவெடுக்கலாம் என்று யோசிக்கிறார்.

மேலே சொன்னதில் நீங்கள் ஊகித்த படி நாலாவது காரணம் மட்டும் நான் சுற்றிய ரீல். அது உண்மையாக கூட இருக்கலாம், நம் ஊரிலிருந்து வந்த நிறைய பணக்காரர்கள் பில் கேட்ஸ்க்கு நண்பர்களாக இருக்கிறார்கள்.

காரணம் எதுவாக இருந்தாலும் மைக்ரோசாப்ட் பங்குகள் மீது விவேக்கிற்கு நம்பிக்கை இருக்கிறது. வாகினிக்கு நம்பிக்கை இல்லை. தன் பயத்துக்கு மருந்தாக Put ஒப்பந்தங்களை வாகினி வாங்குகிறார். அந்த பயத்தை பயன்படுத்தி Put ஒப்பந்தங்களை விவேக் விற்கிறார்.

மேலே சொன்ன உதாரணத்தில் வரவு செலவு கணக்குகளை பார்க்காமல் விட்டால் இந்த பாகம் முழுமை பெறாது.

ஜனவரி 2008-ல் மைக்ரோசாப்ட் பங்குகள் எந்த விலைக்கு விற்கும் என்று நமக்கு தெரியாது. அதனால் இருக்கும் அத்தனை வாய்ப்புகளையும் அலசுவோம்.

1. மைக்ரோசாப்ட் பங்குகள் இப்போதைய விலையை விட அதிகமாகி $40க்கு விற்கலாம்.அப்படி நடந்தால் விவேக் விற்ற Put ஒப்பந்தங்கள் காலாவதியாகி விடும். அவருக்கு $3,000 லாபம். $6,000 உத்தரவாத தொகையை தரகர் கணக்கில் வைத்திருந்தார். அந்த $6,000க்கு $3,000 லாபம், 50% லாபம்! வாகினி தன்னிடம் உள்ள 1000 பங்குகளை $40,000க்கு விற்று விடுவார். அவருக்கு $22,000 லாபம். எப்படி $22,000 லாபம் என்று நீங்கள் கேள்வி கேட்டால் ஸ்ரீராமஜெயம் நூறு முறை எழுத வேண்டும்.

2. மைக்ரோசாப்ட் பங்குகள் இப்போதைய விலையை விட குறைந்து $10க்கு விற்கலாம்.அப்படி நடந்தால் ஒரு பங்கு $30 விலைக்கு வாகினி தன்னிடம் உள்ள ஆயிரம் பங்குகளையும் $30,000 விலைக்கு விற்று விடுவார். Put ஒப்பந்தங்கள் அவரை பாதுகாத்து விடும். Stop loss எதுவும் போடாமல் இருந்திருந்தால் விவேக்கிற்கு நஷ்டம். $10,000 மதிப்புள்ள பங்குகளை $30,000க்கு வாங்க வேண்டும். ஏற்கனவே Put ஒப்பந்தங்களை விற்றதிலிருந்து $3,000 கிடைத்திருப்பதால் நஷ்டம் கொஞ்சம் குறையும். ஆனாலும் $17,000 ($30,000-$10,000-$3,000) நஷ்டம்.

3. மைக்ரோசாப்ட் பங்குகள் இப்போதைய விலைக்கே ($28) விற்கலாம்.அப்படி நடந்தால் வாகினி தன்னிடம் உள்ள Put ஒப்பந்தங்களை பயன்படுத்தி 1000 பங்குகளை $30,000க்கு விற்று விடுவார். அவர் $15,000 முதலீடு செய்திருந்தார். கூடவே Put ஒப்பந்தங்களை வாங்க $3,000 செலவு செய்திருந்தார். மொத்தம் $18,000 செலவு. பங்குகளை $30,000க்கு விற்று விடுவதால் வாகினிக்கு $12,000 லாபம். இப்போது விவேக்கிற்கு எவ்வளவு நஷ்டமாகியிருக்கும்? ஒரு பைசா கூட அவருக்கு நஷ்டமாகியிருக்காது! அவர் விற்ற ஒப்பந்தங்களின் விலை $3000த்திலிருந்து $2000க்கு குறைந்திருக்கும். இது எப்படி சாத்தியம் என்பதை அடுத்த பாகத்தில் பார்க்கலாம். ஒப்பந்தங்களின் விலை குறைந்ததால் விவேக்கிற்கு $1,000 லாபம்.

பொதுவாக கீழ்க்கண்ட விதிகளை கடைபிடித்தால் Put ஒப்பந்தங்களை விற்பதிலிருந்து லாபம் பெறலாம்.

1. எந்த பங்குகளுக்காக Put ஒப்பந்தங்களை விற்கிறீர்களோ அந்த பங்குகளின் நிறுவனத்தின் மேல் உங்களுக்கு நிறைய நம்பிக்கை இருக்க வேண்டும். ஏதோ ஒரு பத்திரிகையில் வந்த Stock tips-ஐ பார்த்து விட்டு Put ஒப்பந்தங்களை விற்றால் பெரும்பாலும் நஷ்டம் தான் கிடைக்கும்.

2. ஸ்டாப் லாஸ் ரொம்ப அவசியம். பங்குகளுக்கு வாங்கிய விலையை விட 8%-10% குறைவாக ஸ்டாப் லாஸ் போடுவோம். ஆனால் ஆப்ஷனுக்கு 10% ஸ்டாப் லாஸ் போட்டால் பேஜாராகி விடும். அதிக சதவிகிதத்தில் ஸ்டாப்லாஸ் போட வேண்டும். இதை விளக்குவது கொஞ்சம் கடினம். அடுத்த பாகத்தில் முயற்சி செய்து பார்க்கிறேன். சுருக்கமாக சொல்ல போனால் உங்களால் எவ்வளவு நஷ்டத்தை தாங்க முடியுமோ அந்த விலைக்கு ஸ்டாப் லாஸ் போடுவது நல்லது.

3. 6 மாதத்துக்குள் உள்ள ஆப்ஷன் ஒப்பந்தங்களை விற்றால் நல்லது. உதாரணமாக இப்போது நீங்கள் ஆப்ஷன் ஒப்பந்தங்களை விற்க விரும்பினால் மே 2006க்குள் உள்ள ஒப்பந்தங்களை விற்பது நல்லது.

4. பங்குகள் விற்கும் விலைக்கு அருகாமையில் உள்ள Strike price-ல் ஒப்பந்தங்களை விற்க வேண்டும். உதாரணமாக மைக்ரோசாப்ட் இன்று $28க்கு விற்கிறது. மார்ச் 2006க்கான $30 ஒப்பந்தங்களை விற்கலாம் அல்லது $25க்கான ஒப்பந்தங்களை விற்கலாம்.

பில் கேட்ஸ், மைக்கேல் டெல் போன்றவர்கள் அடிக்கடி தங்கள் நிறுவனத்தின் Put ஒப்பந்தங்களை விற்கிறார்கள். இவர்களின் நோக்கமே தங்கள் நிறுவன பங்குகளை பொது மக்களிடமிருந்து சகாய விலைக்கு வாங்குவது தான். தங்கள் நிறுவனங்களின் தலைவிதியை பற்றி இவர்களை விட அதிகமாக யாருக்கு தெரிய போகிறது?! அதனால் தைரியமாக Put ஒப்பந்தங்களை விற்கிறார்கள்.

இன்னும் இரண்டு பாகங்கள் இருக்கிறது….

பாகம் 1 பாகம் 2 பாகம் 3 பாகம் 4 பாகம் 6 பாகம் 7

Wednesday, November 16, 2005

பங்கு தரகர்களின் வலைத்தளத்தில் கொள்ளை

நீங்கள் பங்கு தரகர்களின் வலைத்தளங்களை உபயோகிப்பவராக இருந்தால், இதை படிக்கவும்.

முன்பெல்லாம் வங்கிகளை கொள்ளையடிக்க ஆள் பலம் வேண்டும், குறி தவறாமல் துப்பாக்கி சுட தெரிந்திருக்க வேண்டும், நிறைய முகமூடிகள் வைத்திருக்க வேண்டும். இப்போது கத்தியின்றி ரத்தமின்றி கொள்ளையடிக்கின்றனர், இன்டர்நெட்டின் உதவியால். கடந்த சில மாதங்களில் மட்டும் 20 மில்லியன் டாலர்கள் கொள்ளையடிக்கப் பட்டுள்ளன -- கீழ்க்கண்ட முறையை உபயோகித்து.

அமெரிக்காவின் கிழக்கு கரையில் உள்ள ஒரு பல்கலை கழகத்தில் விரிவுரையாளராக உள்ளார் திரு. மூர்த்தி. E-trade தரகர் கணக்கில் $174,000 மதிப்புள்ள பங்குகளை வைத்துள்ளார். இரண்டு மாதம் விடுமுறைக்காக ஆந்திரா சென்று திரும்புகிறார். E-trade தரகரிடம் இருந்து நிறைய தபால்கள் அவருக்காக காத்திருக்கின்றன். அதன் சாராம்சம் -"தாங்கள் விரும்பிய படி அத்தனை பங்குகளையும் விற்று, நீங்கள் சொன்ன வங்கி கணக்குக்கு wire transfer செய்து விட்டோம்". அதிர்ச்சியடைந்த மூர்த்தி தரகருக்கு போன் செய்கிறார். அவர் கணக்கில் ஒரு பைசா கூட கிடையாது. அவ்வளவு பணமும் வெல்ஸ் பார்கோ வங்கியின் நியூயார்க் கிளையில் ஒரு போலி கணக்குக்கு அனுப்பப்பட்டு , அங்கிருந்து ரஷ்யாவுக்கு போய்விட்டது.

இது ஏதோ கதை கிடையாது. உண்மை.

இது எப்படி நடந்தது? மூர்த்தியின் கம்ப்யூட்டரில் Firewall, Anti-virus software போன்ற சமாசாரங்கள் இல்லை. அதனால் ஹேக்கிங்க் செய்யும் மக்கள் சில வார்ம் போன்ற வஸ்துக்களை அவர் கணிணியின் உள்ளே விட்டு அவர் டைப் செய்வதை பதிவு (keylogging) செய்கிறார்கள். தரகரின் பெயர், வலைத்தளத்தின் பதிவுபெயர், சங்கேத வார்த்தை எல்லாம் கிடைத்து விடுகிறது. தரகரின் வலைத்தளத்திலே logon செய்து முதல் வேலையாக தொடர்பு கொள்ள வேண்டிய மின்னஞ்சல் முகவரியை மாற்றி தங்களின் மின்னஞ்சல் முகவரியை போட்டு விடுகிறார்கள். அந்த கணக்கில் உள்ள அத்தனை பங்குகளையும் மார்க்கெட் விலைக்கே விற்று விடுகிறார்கள். (மின்னஞ்சல் முகவரி மாற்றப் பட்டதால், பங்குகளின் சொந்தக்காரர்களுக்கு உடனே விஷயம் தெரியாது. தபால்காரர் வெடிகுண்டை கொடுக்கும் போது தான் தெரியும்.)

இப்போது கணக்கில் உள்ளது பணம் மட்டும் தான். தாங்கள் ஏற்கனவே தயார் செய்து வைத்திருக்கும் போலி வங்கி கணக்குகளுக்கு அத்தனை பணத்தையும் wire transfer செய்து விடுகிறார்கள். வங்கிகளில் பணம் சேர்ந்தவுடன் அதை ரஷ்யாவுக்கோ அல்லது பிரேசிலுக்கோ கொண்டு செல்வது Organized Crime மக்களுக்கு ரொம்ப சாதாரணம்.

இது போன்ற கொடுமை மூர்த்திக்கு மட்டுமல்ல, யாருக்கு வேண்டுமானாலும் நடக்கலாம். எந்த நாட்டிலும் நடக்கலாம். உங்கள் கம்ப்யூட்டரில் Firewall இல்லையென்றால் Zonealarm நிறுவனத்தின் இலவச மென்பொருளை download செய்து வைத்துக் கொள்ளுங்கள். Anti-virus மென்பொருளை வாங்கி வைத்துக் கொள்வது நல்லது.

தரகர்களும் இந்த விஷயத்தில் ரொம்ப ஆடிப் போயிருக்கிறார்கள். "நாங்கள் நன்றாக பாதுகாப்புடன் தான் இருக்கிறோம். எங்கள் வாடிக்கையாளர்கள் தான் தங்கள் வீட்டு சாவியை திருடர்களிடம் கொடுத்து விட்டு எங்கள் மேல் பழியை போடுகிறார்கள்" என்று புலம்புகிறார்கள். இது போல நிறைய கொள்ளைகள் நடந்தால் தங்களின் வியாபாரம் போய் விடுமோ என்று பயப்படுகிறார்கள். நியாயமான பயம் தான்.

Saturday, November 12, 2005

ஆப்ஷன் - பாகம் 4

பாகம் 1 பாகம் 2 பாகம் 3 பாகம் 5 பாகம் 6 பாகம் 7

நீங்கள் வாங்கி வைத்துள்ள பங்குகளின் விலையை பாதுகாக்கவும் சில ஆப்ஷன் ஒப்பந்தங்கள் உதவும். அந்த மாதிரி ஆப்ஷன் ஒப்பந்தங்களுக்கு "Put" என்று பெயர்.

நீங்கள் கூகுல் (Google) நிறுவனத்தின் 100 பங்குகளை ஒரு பங்கு $390க்கு வாங்குகிறீர்கள் என்று வைத்துக் கொள்வோம். $39,000 முதலீடு செய்கிறீர்கள். இது ஒரு சாதாரண தொகை அல்ல. ஒரு வேளை இந்த பங்குகளின் விலை ரொம்ப சரிந்து விட்டால் என்ன செய்வது என்று கவலைப்படுகிறீர்கள். அப்போது உங்களிடம் ஒருவர் வந்து "கவலையே படாதீங்க சார்...ஜனவரி 2006க்குள் கூகுல் ஷேர் எந்த விலைக்கு விற்றாலும் சரி, உங்களிடம் உள்ள 100 பங்குகளையும் ஒரு பங்கு 390 டாலருக்கு நானே வாங்கிக்கிறேன்... ஆனால், எனக்கு நீங்கள் 2000 டாலர் கொடுத்து விட வேண்டும், சரியா?" என்று கேட்டால் உங்கள் பதில் என்னவாக இருக்கும்?

"இது என்ன பம்மாத்து வேலையா இருக்கு? நான் வாங்கின விலைக்கே உங்கிட்ட விக்கனும், கூடவே ரெண்டாயிரம் டாலர் வேற கொடுக்க வேண்டுமா? எத்தனை பேர் இது மாதிரி கிளம்பியிருக்கீங்க?" என்று கொதிப்பீர்களா...ஆமாம் என்றால், இதற்கு மேல் படிக்காதீர்கள்!

"நல்லதா போச்சு...39,000 டாலரை பாதுகாக்க 2000 டாலர் செலவு செய்யலாம். பெரும்பாலும் உங்களிடம் 390 டாலருக்கு இந்த பங்குகளை விற்கும் நிலைமை வராது. ஜனவரியில் கூகுல் லாபத்தை அறிவிக்கும் போது, மார்க்கெட்டை கலக்க போகிறது. இந்த பங்குகள் 450 டாலருக்கு மேல் விற்கும் என்று எதிர்பார்க்கிறேன். அப்படியே தப்பி தவறி 390 டாலருக்கு கீழே போய்விட்டால் உங்களிடம் 390க்கு விற்று விட வேண்டியது தான்..." என்று சொல்வீர்களா? உங்களுக்காக தான் இந்த வலைப்பதிவு.

ஒரு நிறுவனத்தின் மேல் நம்பிக்கை வைத்து தான் அதன் பங்குகளை வாங்குகிறோம். கூகுல் நல்ல நிறுவனம் தான். ஆனால் ஒரு பங்குக்கான விலை ரொம்ப அதிகம். வெறும் நூறு பங்குகளை வாங்குவதற்கே $39,000 கொடுக்க வேண்டியிருக்கிறது. $39,000 என்பது கிட்டத்தட்ட 19 மாதங்களின் சேமிப்பு. இவ்வளவு கஷ்டப்பட்டு சம்பாதித்த பணம் முழுவதையும் ஒரே நிறுவனத்தை நம்பி போடும்போது மனம் ஊசலாட தான் செய்யும். 39,000 டாலர் முதலீட்டை 2000 டாலரால் பாதுகாக்க முடிந்தால் அது நல்ல விஷயம் தான். இப்படி பாதுகாப்பதற்கு Put ஆப்ஷன் ஒப்பந்தங்கள் உதவும்.

Call ஒப்பந்தங்களும் Put ஒப்பந்தங்களும் ஒரே அடிப்படையில் தான் செயல்படுகின்றன. இன்னும் சில மாதங்களில் குறிப்பிட்ட விலைக்கு பங்குகளை வாங்குவதற்கு Call ஒப்பந்தங்கள் உதவுகின்றது. அதே போல இன்னும் சில மாதங்களில் குறிப்பிட்ட விலைக்கு பங்குகளை விற்க Put ஒப்பந்தங்கள் உதவுகிறது. இந்த இரண்டிலும் ரிஸ்க் அதிகமாக எடுப்பவர் பிரீயம் வாங்கி கொள்கிறார்.

Put ஒப்பந்தங்களை வாங்குவதிலும் விற்பதிலும் உள்ள லாப நஷ்டங்களை கொஞ்சம் விரிவாக பார்ப்போம்.

கூகுல் பங்குகள் நவம்பர் 11ம் தேதி $390க்கு விற்கிறது. அதே விலைக்கு 100 பங்குகள் நீங்கள் வாங்குகிறீர்கள். $39,000 முதலீடு. பங்குகளை வாங்கிய கையோடு ஜனவரி 2006, $390க்கான ஒரு Put ஒப்பந்தத்தையும் வாங்குகிறீர்கள். அதற்கு $2000 பிரீமியம் கொடுக்கிறீர்கள். இந்த பிரீமியத்தையும் சேர்த்து மொத்தம் 41,000 டாலர்களை கூகுல் நிறுவனத்தை நம்பி முதலீடு செய்கிறீர்கள்.

ஜனவரி மாதம் 20ம் தேதி அன்று நீங்கள் வாங்கிய Put ஒப்பந்தம் காலாவதியாகி விடும். நவம்பர் 11ம் தேதியிலிருந்து ஜனவரி 20ம் தேதிக்குள் எப்போது வேண்டுமானாலும் 390 டாலர் விலைக்கு கூகுல் பங்குகள் நூறை விற்று விட உங்களுக்கு உரிமை உள்ளது. ஜனவரி மாதம் 20ம் தேதி அன்று இந்த பங்குகள் $460க்கு விற்பதாக வைத்து கொள்வோம். அப்போது நீங்கள் இந்த பங்குகளை $390க்கு விற்க வேண்டிய அவசியமில்லை. அப்போது உள்ள நிலைமையை பொறுத்து நீங்கள் முடிவெடுக்கலாம். $440க்கு ஸ்டாப் லாஸ் போட்டு வைத்து கொள்ளலாம் அல்லது $460க்கு அத்தனை பங்குகளையும் விற்று விடலாம் அல்லது உங்களிடம் உள்ள பங்குகளுக்கு Covered Call விற்று விடலாம். எல்லாமே உங்கள் இஷ்டம் தான். Put ஒப்பந்தத்தை உங்களிடம் விற்றவர் உங்கள் பங்குகளுக்கு உரிமை கொண்டாட முடியாது.

ஜனவரி 20, 2006 அன்று $460க்கு நீங்கள் 100 பங்குகளையும் விற்பதாக வைத்து கொள்வோம். நீங்கள் $41,000 முதலீடு செய்திருக்கிறீர்கள் ($2000 பிரீமியத்தையும் சேர்த்து). ஒரு பங்கு $460 வீதம் விற்பதால் உங்களுக்கு கிடைக்கும் வருமானம் $46,000. உங்களின் மொத்த லாபம் $5,000.

ஒரு வேளை ஜனவரி 20ம் தேதி அன்று கூகுல் பங்குகள் $200க்கு போய் விட்டால் என்ன செய்வது? $390க்கு இந்த பங்குகளை விற்பதற்கு உங்களுக்கு உரிமை உள்ளது. உங்கள் தரகரின் மூலம் ஒரு பங்கு $390 வீதம் 100 பங்குகளையும் $39,000க்கு நீங்கள் விற்று விடலாம். இப்படி உங்கள் உரிமையை நிலை நாட்டுவதற்கு "Exercising your options" என்று பெயர். சில தரகர்கள் வலைத்தளம் மூலம் ஆப்ஷன் Exercise செய்ய அனுமதிப்பார்கள். சில தரகர்களிடம் தொலைபேசி மூலம் பேசி தான் இதை செய்ய முடியும். எப்படி செய்தாலும் கடைசி நிமிடம் வரை காத்திருக்காமல், பங்கு சந்தை திறந்தவுடன் செய்வது நல்லது.

இப்படி $390க்கு நீங்கள் பங்குகளை விற்று விட்டால், உங்களுக்கு $2000 நஷ்டம். இந்த 2000 டாலரும் Put ஒப்பந்தத்திற்காக செலவு செய்தது. ஒரு வேளை Put ஒப்பந்தம் வாங்காமல் இருந்திருந்தால்...? $19,000 நஷ்டம்.

நிம்மதியை விலைக்கு வாங்க முடியாது என்று நம் கவிஞர்கள் நிறைய கவிதை பாடியிருக்கிறார்கள். ஆனாலும், பங்குகள் விஷயத்தில் நிம்மதியை விலைக்கு வாங்கலாம். உங்களுக்கு $2000 பிரீமியம் கொடுக்க மனசில்லையன்றால் ஜனவரி 2006, $340 Strike priceக்கு Put ஒப்பந்தம் வாங்கலாம். அதன் பிரீமியம் $500 தான். ஆனால் வாங்கிய விலையை விட ($390) குறைந்த விலைக்கு தான் ($340) விற்க முடியும். Call ஒப்பந்தத்தில் Strike price உயர உயர ஆப்ஷன் பிரீமியம் குறையும். Put ஒப்பந்தத்தில் அப்படியே அது உல்டா -- Strike price உயர உயர ஆப்ஷன் பிரீமியம் அதிகமாகும்.

கூகுல் நிறுவனத்தின் ஆப்ஷன் விலைகள் மிக அதிகம், அதற்கு காரணம் Volatility. அதைப்பற்றி விரிவாக பிறகு பார்ப்போம். நீங்கள் Yahoo, IBM போன்ற பங்குகளின் Put ஆப்ஷனை வாங்கினால் பிரீமியம் குறைவாக இருக்கும்.

Put ஒப்பந்தத்தை உங்களிடம் விற்றவரின் நோக்கம் என்ன, அவர் எப்படி லாபம் சம்பாதிப்பார் என்பதை அடுத்த பாகத்தில் பார்ப்போம்.

கொசுறு செய்தி: அமெரிக்காவின் ரியல் எஸ்டேட் மார்க்கெட்டுக்கும் Put ஆப்ஷன் கொண்டு வர ஒரு சில வங்கிகள் முயற்சி செய்து வருகின்றன. ஒரு மாநிலத்தில் சோதனை முயற்சி நடந்து வருகிறது. அது வெற்றி பெற்றால், எல்லா மாநிலத்திலும் கொண்டு வருவார்கள். அப்படி நடந்தால் வீடு விலை சரிவதை பற்றி அதிகமாக கவலைப்படாமல் வீடு வாங்கலாம்.

பாகம் 1 பாகம் 2 பாகம் 3 பாகம் 5 பாகம் 6 பாகம் 7

Monday, November 07, 2005

நஷ்டத்தை நிறுத்து!

"Stop Loss" என்றால் என்ன? "Stop the Loss!" பங்கு சந்தையில் லாபமும் நஷ்டமும் மாறி மாறி வரும். நஷ்டமே வரக்கூடாது என்று ஒருவர் நினைத்தால் அவர் பங்கு சந்தையில் பணத்தை போடவே கூடாது. நஷ்டத்தை குறைத்து லாபத்தை அதிகப் படுத்துவது தான் ஸ்டாப் லாஸின் வேலை.

எல்லா தரகர்களுமே பங்குகளுக்கு ஸ்டாப் லாஸ் முறையை உபயோகப் படுத்த அனுமதிக்கிறார்கள். வெகு சில தரகர்களிடம் மட்டும் ஆப்ஷனுக்கு ஸ்டாப் லாஸ் அனுமதிக்க கூடிய தொழில் நுட்பம் உள்ளது. பங்குகளை மையமாக வைத்து ஸ்டாப் லாஸ் பற்றி பேசுவோம், எல்லோருக்கும் புரிந்து கொள்ள சுலபமாக இருக்கும்.

* * *

நவம்பர் 4, 2005:

Sandisk நிறுவனத்தின் 100 பங்குகளை ஒரு பங்கு $64க்கு வாங்குகிறேன். $6400 முதலீடு. இந்த நிறுவனம் செல் போன், டிஜிடல் கேமராக்களில் இருக்கும் Memory chips போன்ற சமாச்சாரங்களை தயாரிக்கிறது. கிறிஸ்துமஸ், புது வருட கொண்டாட்ட காலங்களில் இந்த நிறுவனத்தின் லாபம் அதிகரிக்கும். டிசம்பர் கடைசியில் இந்த பங்கு $75க்கு போகும் என்று எதிர்பார்க்கிறேன். அப்படி நடந்தால் என்க்கு $1100 லாபம். ஓரு வேளை அது நடக்காமல் போய்விட்டால்? ஏதாவதொரு பிரச்னையில் இந்த பங்குகளின் விலை சரிந்து விட்டால்? எதற்கும் இருக்கட்டுமென்று 100 பங்குகளுக்கும் $59 விலைக்கு ஸ்டாப் லாஸ் ஆர்டரை கொடுத்து விடுகிறேன். இன்று பங்கு சந்தை முடியும் போது இந்த பங்குகளின் விலை $66. மனசில் சந்தோஷம்.

நவம்பர் 7, 2005:

Goldman Sachs நிறுவனத்தில் பங்குகளை பற்றி ஆராய்ச்சி செய்யும் ஓரு புண்ணியவானுக்கு திடீரென்று ஞானோதயம் வருகிறது. Sandisk விற்பனை செய்யும் Memory Chips விலை குறைய வாய்ப்பிருக்கிறது, அதனால் இந்த பங்குகளின் எதிர்காலம் அவ்வளவு ஒன்றும் பிரகாசமாக இல்லை என்று அறிக்கை விடுகிறார்.

பங்கு சந்தை திறந்தவுடன் Sandisk பங்குகளின் விலை $64க்கு விற்க ஆரம்பிக்கிறது. மூன்று மணி நேரத்திற்குள் $60க்கு விழுந்து விட்டது. Goldman ஆள் மேல் எரிச்சலாக வருகிறது. இவ்வளவு பெரிய கண்டுபிடிப்பை மூன்று நாட்களுக்கு முன்பே சொல்லியிருக்க கூடாதா?

நவம்பர் 8, 2005:

பங்கு சந்தை திறப்பதற்கு முன்பே மேலும் மூன்று வங்கிகளின் ஆராய்ச்சிக் குழுவினர் "Goldman Sachs ஆள் சொன்னது சரி தான், இந்த நிறுவனத்துக்கு இன்னும் 4 மாதம் ஏழரை நாட்டு சனி” என்று சொல்லி வைக்கிறார்கள்.

பங்கு சந்தை திறக்கும் போது Sandisk பங்கு $59க்கு விற்க ஆரம்பிக்கிறது. உடனே எனது ஸ்டாப் லாஸ் ஆர்டர் வேலை செய்ய ஆரம்பிக்கிறது. என்னுடைய 100 பங்குகளையும் $59 விலைக்கு தரகர் விற்று விட்டார்.

பங்கு சந்தை மூடும் போது இந்த பங்குகள் $45க்கு விற்கிறது. இனி மேல் எந்த வருடத்திலும் நவம்பர் நாலாம் தேதியன்று பங்குகளை வாங்க கூடாது என்று முடிவு செய்கிறேன். நஷ்டமடைந்த $500க்கு ஒரு நல்ல டிஜிடல் கேமரா வாங்கியிருக்கலாமே என்று தொன்றுகிறது.

நவம்பர் 11, 2005:

Sandisk பங்குகளின் விலை $30. ஸ்டாப் லாஸ் என்ற உத்தியை கண்டு பிடித்தவர்களுக்கு நன்றி. அது மட்டும் போடாமல் இருந்திருந்தால் இன்று $3400 நஷ்டமாக இருந்திருக்கும்.


* * *

இது தான் ஸ்டாப் லாஸ். உங்களால் எவ்வளவு நஷ்டத்தை தாங்க முடியுமோ, அந்த நஷ்ட எல்லைக்கு பங்குகள் விழும் போது அதை விற்று விட வேண்டும். Sandisk போன்ற வேகமாக மேலே ஏறிய பங்குகள் அதே வேகத்தில் கீழே விழும். எவ்வளவு தூரம் விழும் என்று யாருக்கும் தெரியாது. அது கூடவே நாமும் விழுவதை விட நம்முடைய "Comfort Zone"-ஐ அந்த பங்கு தாண்டும் போது அந்த விளையாட்டிலிருந்து விலகிக் கொள்வது நல்லது.

ஓரு முக்கியமான விஷயம். மேலே சொன்ன உதாரணத்தில் நவம்பர் 8ம் தேதியன்று பங்கு சந்தை திறக்கும் போது Sandisk பங்குகள் $55க்கு விற்க ஆரம்பித்தால் ஸ்டாப் லாஸ் ஆர்டர் என் பங்குகளை $55க்கு விற்று விடும். $59க்கு ஸ்டாப் லாஸ் என்பதன் அர்த்தம் என்னவென்றால் “இந்த பங்குகள் $59 அல்லது அதற்கும் கீழே போகும் போது விற்று விடு”. ஸ்டாப் லாஸ் விலையை பங்குகள் அடைந்தவுடன் இந்த ஆர்டர் மார்க்கெட் ஆர்டராக மாறிவிடும். ஸ்டாப் லாஸ் விலையை விட குறைவான விலைக்கு பங்குகள் விற்கப்படுவது அபூர்வம். குறிப்பிட்ட நிறுவனத்தைப்பற்றி ரொம்ப கெட்ட செய்தி வந்தால் மட்டுமே அது நடக்கும்.

இப்பொது என் முகத்திலுள்ள பெசிமிஸ்ட் முகமூடியை தூக்கியெறிந்து விட்டு, ஆப்டிமிஸ்ட் முகமூடியை போட்டுக் கொள்கிறேன். ஓரு வேளை இந்த பங்குகளின் விலை $59க்கும் கீழே போகாமல் இருந்தால்? (Sliding Doors படம் பார்த்திருக்கிறீர்களா? தமிழில் 12B.)

நவம்பர் 8, 2005:

Sandisk நிறுவனத்தை சோனி நிறுவனம் விலைக்கு வாங்க யோசிக்கிறது என்று ஒரு தகவல். பங்கு சந்தை திறக்கும் போது இந்த பங்குகளின் விலை $74. பங்கு சந்தை முடியும் போது விலை $78. என்னுடைய ஸ்டாப் லாஸ் ஆர்டரை $59-லிருந்து $69க்கு மாற்றி விட்டேன்.


நவம்பர் 11, 2005:

ஆப்பிள் நிறுவனம் ஸான்டிஸ்க் நிறுவன அதிகாரிகளுடன் பேச்சு வார்த்தை நடத்துகிறது. பங்கு சந்தை திறப்பதற்கு முன்பே ஸான்டிஸ்க் நிறுவனத்தை ஒரு பங்கு $100 விலைக்கு வாங்க ஆப்பிள் ஒத்துக்கொள்கிறது. பங்கு சந்தை திறக்கும் போது ஸான்டிஸ்க் பங்குகளின் விலை $107. என்னுடைய ஸ்டாப் லாஸ் விலையை $69லிருந்து $100க்கு மாற்றி விடுகிறேன்.


ஏன் இப்படி ஸ்டாப் லாஸ் விலையை மாற்றிக்கொண்டே போக வேண்டும்? இந்த மாதிரி Bidding war நடக்கும் போது பங்குகளின் விலை ஊசலாடும். முடிந்த வரை லாபத்தை பாதுகாத்துக் கொள்வதற்காக செய்யும் உத்தி இது. ஓரு வேளை ஆப்பிள் பங்கு தாரர்கள் ஆப்பிள் நிறுவனத்தின் முடிவை ஏற்றுக்கொள்ளாவிட்டால் இந்த பங்குகளின் விலை திரும்பவும் $78 ரேஞ்சுக்கு போய் விடும்.

முடிப்பதற்கு முன் சில வார்த்தைகள்: $64க்கு வாங்கிய பங்குகளுக்கு $59 விலைக்கு தான் ஸ்டாப் லாஸ் போட வேண்டும் என்று எந்த விதியும் இல்லை. 8% - 10%க்கு மேல் நஷ்டம் அடைந்தால் விற்று விடுவது நல்லது. 8 சதவிகிதம் கணக்கு போட்டால் பங்கு விலை $64க்கு $59 ஸ்டாப் லாஸ் சரியாக இருக்கும். எல்லா ஸ்டாப் லாஸ் ஆர்டருகளும் GTC (Good till cancelled) ஆர்டர்களாக இருக்க வேண்டும்.

Saturday, November 05, 2005

Google மேனியா

Google பங்குகள் பறப்பதை பார்த்தால், 1998-2000ல் நடந்த நிகழ்ச்சிகள் கண்முண் தோன்றுகிறது. JDSU, Amazon, CMGI, Ciena போன்ற பல பங்குகள் ஒரே நாளில் $10, $20 என்று எகிறும். அவசரப்பட்டு வாங்க வேண்டாம், சில நாள் பொறுத்திருக்கலாம் என்று பொறுத்திருப்பேன். பங்குகள் விலை கீழே வரும் என்று காத்திருப்பேன். கடைசியில் வெறுத்துப் போய் வந்த விலைக்கே பங்குகளை வாங்கி அதிலும் நிறைய லாபம் பார்த்தேன்.

CMGI ஆப்ஷனில் ஒரே நாளில் $10,000 லாபம் பார்த்த காலம் உண்டு. அது நிஜமாகவே ஒரு கனா காலம். அந்த கனவு முடிந்த போது எங்கு பார்த்தாலும் ரத்த ஆறு. JDS Uniphase (JDSU) பங்கு $240லிருந்து சரிந்து $2க்கு விற்கிறது. CMGI $1 சொச்சம். இதே கதி Googleக்கு வர வாய்ப்பில்லை. ஆனால், எதிர்பார்ப்புகள் பொய்யாகும் போது பணம் போட்டவர்கள் துண்டை காணோம் துணியை காணோம் என்று ஓடப் போகிறார்கள், விலை சரிய போகிறது. அப்படியே சரிந்தாலும் $400லிருந்து $300க்கு போகுமே தவிர $100க்கு கீழே போக வாய்ப்பில்லை.

Google-ன் P/E விகிதம் 86, Yahoo-ன் P/E விகிதம் 35. ஆனால் Google-ன் EPS(ஒரு பங்குக்கான லாபம்) அதிகம். Google பங்கு மார்க்கெட்டில் வெளியிட்ட பங்குகளின் எண்ணிக்கை குறைவு, அதிக EPS-க்கு அதுவும் ஒரு காரணம். இன்னும் பல காரணங்களை எழுதி கொண்டே போகலாம். எல்லாவற்றையும் விட மக்களின் எதிர்பார்ப்பு ஒரு முக்கிய காரணம். எரியும் நெருப்பில் எண்ணெய் ஊற்றுவது போல ஜிம் கிரேமர் (Thestreet.com, Madmoney show) போன்ற ஆட்கள் 2006-ல் Google பங்கு $450க்கு விற்கும் என்று ஆருடம் சொல்கிறார்கள்.

Google பங்குகள் அடுத்த வருடம் $450க்கு போகுமா $45க்கு போகுமா என்று எனக்கு தெரியாது. ஆனால் ஒன்று நிச்சயம். இன்னும் பல நாட்களுக்கு, குறைந்த பட்சம் Jan 2006-ல் Google லாப நஷ்ட கணக்கை வெளியிடும் வரை, Google மேனியா தொடரும். அது வரை கிடைத்த பணத்தை அள்ளப் போகிறேன். கடந்த மூன்று வாரங்களில் இரு தடவை Google put ஒப்பந்தத்தை விற்று கொஞ்சம் பணம் சம்பாத்தித்தேன். அதன் விபரங்கள் இங்கே இருக்கிறது. December 340 put ஒப்பந்தத்தை $930க்கு விற்றேன், இப்போது அது $300க்கு விற்கிறது. அது $200க்கு போகும் போது திரும்ப வாங்கலாம் என்று யோசனை.

Google-ல் பணம் செய்ய சில யோசனைகள்:

1. 100 பங்குகளை $390க்கு வாங்கலாம், வாங்கியவுடன் நவம்பர் 2005, $390க்கான Call ஒப்பந்தத்தை $990க்கு விற்று விடலாம். நவம்பர் 18 அன்று Google $390க்கும் மேலே விற்றால் உங்களுக்கு $990 லாபம். 100 பங்குகளை வாங்குவதற்கு $39,000 செலவு செய்ய வேண்டும். Margin-ல் வாங்க உங்கள் தரகர் அனுமதித்தால் 19,500 முதலீடு செய்தால் போதும். $19,500க்கு $990 லாபம் (தரகர் கமிஷனை இதில் சேர்க்க வில்லை). ஆப்ஷன் - பாகம் 1,2- ல் பார்த்த covered call முறை இது.

2. நீங்கள் இரும்பு நெஞ்சம் கொண்டவராய் இருந்தால் நவம்பர் 2005, $350 call ஒப்பந்தம் ஒன்று வாங்கலாம். $4170 செலவு. Google $400க்கு போனால் இந்த call ஒப்பந்தம் $5000க்கு போகும். என்னைப் போன்ற பயந்த ஆளாக இருந்தால் ஜனவரி 2006, $350 call ஒப்பந்தம் வாங்கலாம். எது வாங்கினாலும் stop loss போட்டு விட்டால் நிம்மதியாக தூங்கலாம். தப்பி தவறி நவம்பர் 2005, $400+ call ஒப்பந்தங்களை வாங்கி விட கூடாது.

3. Google பங்குகள் சிலவற்றை $390+க்கு வாங்கலாம். $450-ஐ எட்டும் போது பாதி பங்குகளை விற்று விட்டு மீதி பங்குகளை $400க்கு stop loss போட்டு வைத்து கொள்ளலாம். Google பங்கு $450க்கு மேலே போய் கீழே சரிய ஆரம்பித்தால் பங்குகளை $400க்கு stop loss order விற்று விடும். போன வருடம் $145க்கு Google பங்குகள் சிலவற்றை வாங்கினேன், Google-ன் மேல் எனக்கு நம்பிக்கை இருக்கும் வரை அதை விற்க போவதில்லை.

பங்கு சந்தை ஒரு வகை சூதாட்டம். Las vegas போவது போன்றோ, லாட்டரி வாங்குவது போலவோ அவ்வளவு மோசமான சூதாட்டமில்லையென்றாலும் பங்கு சந்தை மனிதர்களும் மிருகங்களும் சேர்ந்து உலாவும் ஒரு காடு. தினந் தோறும் இவர்களுடன் தான் வேலை செய்து கொண்டிருக்கிறேன். ஒரே நாளில் ஒரு பங்கின் தலைவிதி எப்படி வேண்டுமானாலும் மாறலாம். மேலே சொன்னதில் இரண்டாவது யோசனை அதிக ரிஸ்க்கானது. கவனம் தேவை.


Disclaimer: நான் பங்குகளை வாங்க, விற்க அறிவுரை கொடுக்க வில்லை. என்னுடைய எண்ணங்களை இங்கு பகிர்ந்து கொள்கிறேன். உங்கள் ஆராய்ச்சிக்கு அதை பயன் படுத்தி கொள்ளுங்கள்.

Wednesday, November 02, 2005

அமெரிக்க ரியல் எஸ்டேட் - Update

பங்குகளுக்கு நாஸ்டாக் குறியீடு போல, வீடு விற்பனைக்கு PMI இன்சூரன்ஸ் கம்பெனி "ரிஸ்க் குறியீடு" என்று வைத்துள்ளது. ஒரு ஏரியாவில் ரிஸ்க் குறியீடு அதிகமாக இருந்தால், அந்த இடத்தில் உள்ள வீடு விலை சரிய "அதிக வாய்ப்புள்ளது" என்று அர்த்தம்.

சில ஊர்களின் ரிஸ்க் குறீயீடு:

ஊர்/ஏரியா பெயர் & ரிஸ்க் குறீயீடு
---------------------- --------------------

Sacramento-Arden, CA 456
Los Angeles, CA 460
Riverside, CA 466
Oakland-Fremont, CA 502
San jose, CA 472
Santa Ana, Anaheim, CA 522
Las Vegas, NV 197 (Surprise!)
Tampa, FL 201
San Diego, CA 536
Phoenix, AZ 93
Miami, FL 206
Nassau, NY 532
Fort Lauderdale, FL 288
San Francisco, CA 440
Washington D.C 236
Edison, NJ 362
Virgina Beach, Norfolk, VA 133
Newark-Union, NJ 232
Providence, R.I 464
Orlando, FL 111

ரிஸ்க் இல்லாமல் பணம் சம்பாதிக்க...

இது சாத்தியமா?!

முடியும், ஆனால் லாபம் கம்மியாகத்தான் கிடைக்கும். கீழ்க்கண்ட வங்கிகள் நல்ல வட்டி கொடுக்கின்றன.


வங்கியின் பெயர் வட்டி விகிதம் (வருடத்துக்கு)
________________ __________________________


சேமிப்பு கணக்குகளுக்கு:

Presidential Bank 4.12%
Emigrant Direct 4.00%
Capital One FSB 3.75%
HSBC bank USA 3.75%


Money market கணக்குகளுக்கு:

Keydirect 3.95%
Zions bank 3.87%
Umbrella bank 3.85%
GMAC bank 3.75%

ஒரு வருட CD-களுக்கு:

M&T Bank NA 4.60%
Virtual Bank 4.60%
GMAC Bank 4.60%
Netbank 4.45%
ING Direct 4.20% (30 மாதம்/60 மாதங்களுக்கு இன்னும் அதிகம் கிடைக்கும். இங்கு பார்க்கவும்)


குறிப்பு: வாசன் comment-ல் FDIC பற்றி எழுதியிருந்தார். மேலே குறிப்பிட்ட அத்தனை வங்கிகளும் FDIC மூலம் $100,000 வரை பாதுகாக்கப் பட்டவை. இருந்தாலும், நீங்கள் பணத்தை போடுவதற்கு முன்பே அந்த குறிப்பிட்ட கணக்கு FDIC-யால் பாதுகாக்கப் படுகின்றதா என்று double check செய்து கொள்ளவும்.

$100,000க்கு மேல் நீங்கள் முதலீடு செய்வதாக இருந்தால் பல வங்கிகளில் முதலீடு செய்யுங்கள். உதாரணமாக $170,000 முதலீடு செய்வதாக இருந்தால் $100,000-த்தை ஒரு வங்கியிலும்(FDIC insured) $70,000-த்தை இன்னொரு வங்கியிலும்(FDIC insured) முதலீடு செய்யலாம். இப்படி செய்வதன் மூலம் FDIC பாதுகாப்பு $170,000க்கும் கிடைக்கும். FDIC பற்றிய மேலும் பல விபரங்களுக்கு இங்கு செல்லவும். இந்த இணைப்பில் FDIC என்றால் என்ன, உங்கள் வங்கி FDIC-யால் பாதுகாக்கப் பட்டவையா என்ற விபரங்களை அறிந்து கொள்ளலாம்.

Friday, October 28, 2005

ஆப்ஷன் பாகம் - 3

பாகம் 1 பாகம் 2 பாகம் 4 பாகம் 5 பாகம் 6 பாகம் 7

ஆப்ஷனை வாங்குபவர்களில் 90 சதவிகிதம் பேர் அதை Exercise செய்வதில்லை, நஷ்டமடைகிறார்கள். அவ்வளவு பணமும் ஆப்ஷனை விற்பவர்கள் பாக்கெட்டில். Call ஆப்ஷனை நீங்கள் வாங்குவதாயிருந்தால் குறைந்தது 2 மாதங்கள் கழித்து உள்ள Strike Price-ல் வாங்குங்கள்.

இருப்பதிலேயே சுலபமான வழி, Covered Call முறை தான். நல்ல முறையில் நடத்தப்படும் கம்பெனியின் பங்குகளை வாங்குங்கள். வாங்கிய விலையை விட அதிகமாக உள்ள Strike Price-ல் Call ஆப்ஷனை விற்று விடுங்கள். அந்த ஆப்ஷன் Exercise செய்யப்பட்டாலும், செய்யப்படாவிட்டாலும் உங்களுக்கு லாபம் தான். வாங்கிய பங்கின் விலை ரொம்ப குறைந்தால் மட்டும் தான் பிரச்னை, அதற்கு தான் நல்ல பங்குகளை வைத்து ஆப்ஷனில் டிரேட் செய்ய வேண்டும்.

உதாரணம்:

இன்று Genentech (DNA) $87.72க்கு விற்கிறது. நான் 100 பங்குகளை வாங்குகிறேன். $8772 செலவு.

Jan 2006-க்குள்ள $90 Strike Price-ல் Call ஒப்பந்தத்தை $470க்கு விற்கிறேன். $470 வரவு.

Jan 20, 2006 அன்று DNA $90க்கு மேல் விற்றால் உங்கள் Call ஒப்பந்த்தப்படி $90க்கு DNA பங்குகளை நீங்கள் விற்று விட வேண்டும். அப்படி செய்தால் உங்களின் லாபம் = $9000-$8772+$470 = $1028.

Jan 20, 2006 அன்று DNA $90க்கு கீழே விற்றால், நீங்கள் விற்ற Call ஒப்பந்தம் காலாவதியாகிவிடும். எனவே DNA 100 பங்குகளும் உங்கள் கையை விட்டு போகாது. ஆனால் கிடைத்த $470 பிரீமியம் உங்களுக்கு லாபம். நீங்கள் திரும்பவும் April 2006க்குள்ள Call ஒப்பந்தத்தை விலைக்கு விற்கலாம்.

DNA பங்கு $90க்கு கீழ் ரொம்பவும் குறைந்தால் தான் உங்களுக்கு நஷ்டம் வரும். பங்கு சந்தையில் பணத்தை முதலீடு செய்யும் போது எப்போதுமே லாபம் கிடைக்கப் போவதில்லை. நஷ்டங்களும் வரத்தான் செய்யும். லாபத்தை அதிகப்படுத்தி நஷ்டத்தை குறைக்க ஒரு ரகசியம் உள்ளது. அதன் பெயர் கட்டுப்பாடு. Covered Call எழுதுவதற்காக பங்குகளை வாங்கும் முன்பே எவ்வளவு நஷ்டத்தை உங்களால் தாங்கிக்கொள்ள முடியும் என்று தீர்மானிக் கொள்ளுங்கள். மேலே சொன்ன உதாரணத்தில் DNA $77க்கு குறைவாக போய் விட்டால் நீங்கள் விற்ற Call ஒப்பந்தத்தை திரும்பவும் வாங்கி விடுங்கள். அதன் விலையும் $470லிருந்து $40க்கு குறைந்திருக்கும். பங்குகளில் $1000 நஷ்டம், அதே சமயம் ஆப்ஷனினால் சுமார் $400 லாபம். மொத்தம் $600 நஷ்டம். இந்த மாதிரி Stop loss லெவலில் உறுதியாக இருந்தால் நஷ்டங்களை கட்டுப் படுத்தலாம். இல்லாவிடில் நஷ்டங்கள் நம்மை படுத்தி விடும்!

இது வரை நீங்கள் ஆப்ஷனில் டிரேட் செய்யாமல் இருந்தால், Paper trade செய்து பாருங்கள். அதாவது ஒரு பேப்பரில் மேலே உதாரணத்தில் சொன்னது போல டிரேடை எழுதி வைத்துக் கொள்ளுங்கள். ஒவ்வொரு வாரமும் அந்த டிரேட் எப்படி போகிறது என்று பார்த்து வாருங்கள். Jan 20, 2006 அன்று அந்த டிரேட் எப்படி முடிந்திருக்கும் என்று சோதித்து பாருங்கள். இப்படி பல முறை Paper trade செய்த பிறகு உங்களுக்கு ஆப்ஷன் சுலபமாக பிடிபடும். Optionsxpress போன்ற தரகர்களின் வலைத்தளத்தில் Paper trade பயிற்சி செய்து பார்க்கலாம்.

Call ஒப்பந்தம் போன்று Put ஒப்பந்தம் என்றொரு முறை உள்ளது. நீங்கள் வாங்கி வைத்துள்ள பங்குகளை பாதுகாக்க Put உதவும். அதைப்பற்றி அடுத்த பாகத்தில்...



பின்குறிப்பு:

அமெரிக்க மார்க்கெட்டை உதாரணமாக நான் காட்டினாலும், இந்த தொடர் எந்த நாட்டுக்கும் பொருந்தும்.

பாகம் 1 பாகம் 2 பாகம் 4 பாகம் 5 பாகம் 6 பாகம் 7

Sunday, October 23, 2005

சில வலைப்பதிவுகள்

ஆங்கிலத்தில் நான் ஒரு வலைப்பதிவு எழுதி வருகிறேன். என்னுடைய சமீபத்திய டிரேடுகள் இங்கு உள்ளன. அதைப் பார்க்க இங்கு கிளிக்கவும்.

என் நெருங்கிய நண்பர் Digital Bhoomi என்றொரு வலைத்தளத்தை நடத்தி வருகிறார். அதில் நான் உடல் நலம் சம்பந்தமான கருத்துகளை தொகுத்து வழங்குகிறேன். கொஞ்சம் நேரம் இருந்தால் இங்கு எட்டிப் பாருங்களேன்.

Friday, October 21, 2005

ஆப்ஷன் - பாகம் 2

பாகம் 1 பாகம் 3 பாகம் 4 பாகம் 5 பாகம் 6 பாகம் 7

ஆப்ஷன் உருவாக்கப் பட்டதே நஷ்டத்தை குறைப்பதற்கு (Hedge) தான். ஆனால் இந்த ஆப்ஷனினால் தான் ஒவ்வொரு நாளும் பல்லாயிரம் மக்கள் பல கோடிகளை இழக்கிறார்கள். டிசம்பர் 19, 1997 அன்று நடந்த Silk Air விபத்துக்கு கூட ஆப்ஷன் டிரேட் தான் காரணம் என்று சொல்லப் படுகிறது. அந்த விமானத்தின் முதல் விமானி சூதாட்டக்காரன். அவன் கடன் வாங்கி Commodities மார்க்கெட்டில் ஆப்ஷனில் விளையாடினான். கோடிக்கணக்கில் நஷ்டம், கடன். அதிலிருந்து தப்பித்து தன் குடும்பத்துக்கு இன்சூரன்ஸ் தொகை கிடைப்பதற்காக அவன் தற்கொலை செய்து கொண்டதாக கூறப்படுகிறது. அவன் செய்தது தற்கொலை மட்டுமில்லை, 104 கொலை. "Silk air crash suicide" என்று தேடிப் பாருங்கள். ஆப்ஷனில் நஷ்டமடைய முதல் காரணம் பேராசை தான், அடுத்த காரணம் தன்னால் இழக்ககூடியதை விட பெருந்தொகையை முதலீடு செய்வது.

Call ஒப்பந்தத்தை பொருத்த வரை வாங்குபவரை விட விற்பவற்கு தான் ரிஸ்க் குறைவு. அதனால் வாங்குபவர் ஜாக்கிரதையாக டிரேட் செய்ய வேண்டும். பாகம் ஒன்றில் நாம் பார்த்த Microsoft ஆப்ஷனில் பங்கு விலையை விட அதிக விலைக்கு வாங்குவதாக ஒப்பந்தம் போடக்கூடாது. இது ஒரு அடிப்படை விதி. இதை மீறி ஆப்ஷனில் விளையாடுவது லாஸ் வேகாஸில் பணத்தை விட்டெறிவதை விட ஆபத்தானது. கொஞ்சம் விரிவாக பார்க்கலாம்.

இன்று MSFT (Microsoft) $24.78க்கு விற்கிறது. இந்த பங்கின் ஆப்ஷன் விலைகளை பார்ப்பதற்கு இங்கு செல்லவும். ஆப்ஷன் ஒப்பந்தம் போடுவதற்கு $2.50 அல்லது $5 வித்தியாசத்தில் வெவ்வேறு விலைகள் இருக்கின்றது. இந்த விலைகளை "Strike Price" என்று சொல்வார்கள். உதாரணமாக MSFT ஆப்ஷனை $5, $7.50, $10, ... $32.50 என்று வெவ்வேறு விலைகளுக்கு (Strike price) ஒப்பந்தம் போடலாம். ஒவ்வொரு Strike priceக்கும் Bid, ask என்று இரண்டு விலைகள் உள்ளன. Bid என்பது ஒப்பந்தம் விற்பவருக்கு கிடைக்கும் விலை. Ask என்பது வாங்குபவர் கொடுக்க வேண்டிய விலை. இந்த இரண்டு விலைக்கும் உள்ள வித்தியாசத்தை Spread என்று சொல்வார்கள், அது தரகருக்குப் போய் விடும். Strike Price உயர உயர ஆப்ஷனின் விலை குறையும்.

நவம்பர் 2005-ல் $20 விலைக்கான ஒப்பந்தத்தை $490க்கு வாங்கலாம். ஆனால் $27.50 விலைக்கான ஒப்பந்தத்தை $10க்கு வாங்கலாம். நவம்பர் 18, 2005க்குள் மைக்ரோசாப்ட் $30க்கு விற்றால், $27.50 விலைக்கான ஒப்பந்தம் $260க்கும் மேல் போய்விடும். $10 முதலீடுக்கு $250 லாபம். போட்ட பணத்துக்கு 25 மடங்கு லாபம் கிடைக்கிறது. இந்த leverage தான் ஆப்ஷன் பக்கம் நிறைய பேரை கண்களில் கனவுகளுடன் அழைக்கிறது. (ஒரு மாதத்தில் $10,000 முதலீடு செய்தால், $250,000 லாபம் கிடைக்கும்; அதை திரும்பவும் அடுத்த மாதம் முதலீடு செய்தால், $6 மில்லியனுக்கு மேல் பணம் கிடைக்கும், இரண்டு வருடத்தில் மைக்ரோசாப்டை விலைக்கு பேசலாம்.) ஆனால் $27.50 விலைக்கு ஒப்பந்தம் வாங்கியவர்களில் அத்தனை பேரும் போட்ட பணத்தை இழந்து விடுவார்கள். இந்த ஒப்பந்தங்களை விற்றவர்களுக்கு தான் லாபம்.

4 வாரங்களுக்குள் இந்த பங்கின் விலை $24லிருந்து $30க்கு போவதற்கு வாய்ப்பு மிக குறைவு. $27க்கு கூட எட்டாது. ஆனாலும் லாட்டரி சீட்டு வாங்குவது போல் நினைத்துக் கொண்டு இதில் நிறைய பேர் விளையாடுகிறார்கள். Call ஒப்பந்தங்களை வாங்குபவர்கள் சில விதிகளை கடைபிடித்தால் ரிஸ்க் குறைவு.

1. Call ஒப்பந்தம் வாங்கும் போது குறைந்தது 2 மாதத்திற்கு பிறகு உள்ள ஒப்பந்தங்களை வாங்க வேண்டும்.

2. பங்கு விற்கும் விலைக்கு குறைவாக உள்ள Strike price-ல் ஒப்பந்தம் வாங்க வேண்டும்.

3. Call வாங்கும் போதே உங்கள் risk tolerance எவ்வளவு என்று தீர்மானித்துக் கொள்ள வேண்டும். $500 முதலீடு செய்கிறீர்கள், எவ்வளவு லாபத்தை எதிர்பார்க்கிறீர்கள், எவ்வளவு நஷ்டத்தை உங்களால் ஏற்றுக் கொள்ள முடியும் என்பதையெல்லாம் "வாங்குவதற்கு முன்பே" தீர்மானித்து கொள்ள வேண்டும். ஒரு வேளை பங்கின் விலை சரிய ஆரம்பித்து விட்டால், ஒரு குறிப்பிட்ட விலைக்கு கீழ் ஆப்ஷன் விலை போய்விட்டால் அந்த நஷ்டத்தை ஏற்றுக் கொண்டு உடனே அந்த ஆப்ஷனை விற்று விட வேண்டும். OptionsXpress போன்ற தரகர்கள் Stop loss என்று ஒரு முறை வைத்திருக்கிறார்கள். $500க்கு அப்ஷனை வாங்குகிறீர்கள், உங்களால் $200 நஷ்டத்தை தான் சமாளிக்க முடியும் என்றால் ஆப்ஷனின் விலை $300க்கும் கீழ் போனால் விற்று விடும் படி Stop loss கொடுத்து விட வேண்டும்.

இது வரை நாம் பார்த்ததை விட இன்னும் கொஞ்சம் உள்ளடங்கிய விபரங்களை இனி பார்க்கலாம்.

Bid, Ask இரண்டு விலைகளும் குறிப்பிடுவது ஒரு பங்குக்கான ஆப்ஷன் விலை. ஒரு Call ஒப்பந்தம் நூறு பங்குகளுக்கு போடப் படுகின்றது. அதனால் Bid, Ask விலைகளை நூறால் பெருக்கி கொள்ளவேண்டும்.

Bid, Ask விலைகளுடன் Open Interest, Volume போன்ற விபரங்களையும் தரகர்கள் தருவார்கள். ஒரு குறிப்பிட்ட Call-ன் எத்தனை ஒப்பந்தங்கள் மார்க்கெட்டில் இருக்கின்றது என்பதை Open Interest காண்பிக்கும். இன்று எத்தனை ஒப்பந்தங்கள் பரிமாறப்பட்டன என்பதை Volume சொல்லும். Open Interest, Volume இரண்டுமே குறிப்பிட்ட ஆப்ஷன் எவ்வளவு பாப்புலர் என்று காட்டும்.

Call ஒப்பந்தங்களின் வெவ்வெறு வகைகளைப் பற்றி மீண்டும் பார்ப்போம்.

1. பாகம் ஒன்றில் பார்த்தபடி நீங்கள் பங்குகளை வைத்திருந்தால் அதற்கான் Call ஆப்ஷன் ஒப்பந்தங்களை விற்கலாம். இதற்கு Covered call என்று பெயர். Uncovered call என்றொரு விவகாரமான உத்தி ஒன்று இருக்கிறது, அதை வரும் பாகங்களில் பார்க்கலாம். Covered call விற்கும் போது பங்குகளை குறிப்பிட்ட விலைக்கு விற்க ஒப்புக் கொள்கிறீர்கள். Google பங்குகள் நூறை ஒரு பங்கு $300க்கு வாங்கி வைத்திருக்கிறீர்கள். அதன் டிசம்பர் 340 call ஆப்ஷனை $1700க்கு covered call விற்று விடுகிறீர்கள். டிசம்பரில் Google $440க்கு விற்றால் கூட, நீங்கள் $340க்கு அந்த பங்குகளை விற்று விட வேண்டும்.

2. நீங்கள் பங்குகளை சில மாதங்கள் கழித்து இன்றைய விலையில் வாங்க ஆசைப்பட்டால், அதற்கான call ஆப்ஷன் ஒப்பந்தங்களை வாங்கலாம்.

3. பங்குகளை வாங்க விருப்பமில்லை, ஆனால் ஆப்ஷனை வைத்து லாபம் சம்பாதிக்கலாம் என்று ஆசைப்படுபவர்கள் call ஆப்ஷன் ஒப்பந்தங்களை வாங்கலாம். ஆப்ஷனில் டிரேட் செய்பவர்களில் பெரும்பாலோர் இந்த வகையினர் தான். பணத்தை இழப்பவர்களில் பெரும்பாலானவர்களும் இந்த வகை தான்.


இன்னும் வரும்...

பாகம் 1 பாகம் 3 பாகம் 4 பாகம் 5 பாகம் 6 பாகம் 7

Related Posts Plugin for WordPress, Blogger...